曾染疫同事称有脑雾　记性变差返工留手尾　打工仔叹：闹佢唔落

香港第五波新冠肺炎疫情持续，确诊个案已逾百万宗。有打工仔指同事早前不幸染疫，复工以来不但记性变差，有时更会留下“手尾”，需要他人代为帮忙。同事明言康复后因有脑雾等后遗症状，导致工作表现大不如前，受影响的楼主无奈表示，不知同事是认真或是说笑，却又不愿责怪对方。

该名打工仔于香港讨论区发文，指有同事早前不幸染疫，康复后复工便“做返佢自己啲手尾”，但认为对方的效率及表现均与“中招”前有明显分别，“做嘢做到天一半地一半，做一件事可以又有啲手尾剩低要再执”。他指目前公司仍实行在家工作，而同事即使犯错亦只是“自己嘥自己时间”，未有影响他人，故其他同事也不会理会。

楼主指，康复同事日前再次有“甩漏”，称对方发电邮时竟忘记插入主要附件，“唔畀附件我哋就睇唔到佢个excel做成点”，直至其他同事询问对方才发现，更直言“系㖞，唔怪得好似争啲嘢。唔好意思哈哈，我仲脑雾紧”。楼主闻言感无奈，称从平日简单的言谈之间难以确认康复同事“系讲真定讲笑”，又指“佢话自己仲有啲唔舒服就更加闹唔落佢”，不禁问网民：“原来脑雾真系会咁样㗎？”

帖文引来网民讨论，有人认为同事只是以染疫开玩笑，“好明显讲笑啦，缓和下做错嘢嘅尴尬啫”、“佢系唔小心，所以以笑遮丑，原谅佢一次啦”，而楼主亦指“希望真系讲笑啦，不过上网睇，见到后遗症嘅脑雾都好常见”。

亦有网民指，脑雾属新冠肺炎常见后遗症状之一，认为楼主可给予同事更多包容，“佢返嚟都叫有跟返自己嘢，虽然有手尾跟，但你都系话佢自己执返啫，email漏attachment咁小嘅事，提声就得，何须计较？放松啲啦”、“没有人想在工作上有错漏，况且中招后都会唔多开心，期待他的后遗症渐渐好转吧”。

Omicron当感冒？染疫网民揭后遗症超严重　呢样最困扰随时损终身…

即睇网民分享感染Omicron后遗症，绝不可忽视▼▼▼