阿妹疫下考DSE 遭失业母疲劳轰炸近情绪崩溃 家姐心痛：点帮佢
教育局早前表示，2022年度中学文凭试（HKDSE）仍然以4月22日开考为目标，但会将考期由1个月压缩至3星期，4月初会有最终决定。疫下应考相当不容易，有网民发文指，妹妹为应届DSE考生，因疫情关系只能留家温习，却遭失业半年的妈妈不断疲劳轰炸，加上面对随时更改或压缩的考期，更令她“压力山大”，几乎情绪崩溃，令身为家姐的她非常心痛，“想像唔到阿妹𠵱家承受紧几多”。
“阿妹困喺屋企根本温唔到书，好心痛。”该网民于Dcard讨论区发文，指妹妹为应届文凭试（HKDSE）考生，以往也会相约朋友到自修室温习，但因近日确诊人数急升，只能留在家中准备，“问题系家母日日夜夜都喺度烦佢吵佢”。
楼主指，妈妈因疫情关系失业已近半年，“变相差唔多做咗半个家庭主妇”，然而家中经济环境不算好，妈妈或面对不少压力，家人便惨成发泄对象，“佢宣泄嘅方法就系，一见到阿妹休息就闹佢‘唔读书等乞食’”。
楼主深知妹妹并非懒散，亦一直按自己的计划前进，“吊颈都要抖下气，温完两三个钟都要停一停个脑抖一抖”，但她指妈妈的唠叨却似背景音乐，每日在家无间断响起，“日日喺屋企困兽斗”。加上要面对随时更改的考期，打乱妹妹的温习计划，令她承受巨大压力几乎崩溃，“有时我上上下堂阿妈嚟捣乱我都心烦，想像唔到阿妹𠵱家承受紧几多”。
眼看妹妹“压力山大”却无从发泄，楼主感到无奈又心痛，不禁问网民应如何帮助妹妹，“作为家姐，除咗得闲买下好嘢畀佢食、同佢讲下加油、听佢讲下烦恼呢啲咁虚无嘅嘢之外，好似冇咩帮到佢”。
帖文引来不少曾经历公开试的网民共鸣，有人建议楼主继续向妹妹提供情绪支援及打气，“平时做啲贴心举动帮下你阿妹，劝下阿妈唔好畀咁大压力，帮手做沟通桥梁”。亦有人认为楼主可代妹妹与妈妈沟通，“帮佢同阿妈沟通好，同阿妈讲佢已经好努力，唔好过分畀压力佢，动之以情晓之以理，说服阿妈佢𠵱家应该系默默地支持”。
同场加映：隔空送物资绝招｜港妇吊𩠌上楼惹热议 网民：呢位妈妈辛苦晒！