抽中$288开工利市 同事起哄要求请食饭 港女呻烦：食饭团都唔够
农历新年过后，打工仔也渐渐返回工作岗位，不少企业也会向员工派发开工利市取其好意头。有年轻打工仔近日发文，指上司以抽奖形式派发开工利市，而她幸运抽到唯一一封288元大利市，同事们见状即起哄要她请食饭，却令她感到非常烦厌。她直言其利市金额仅多其他人百多元，“请食饭团都随时唔够”，认为同事们不断提起利市的事非常虚伪又市侩。
“新年流流就逼人嬲嘅真系！”该名打工仔早前于Dcard讨论区发文，指今年上司希望以特别方式派发开工利市，“话搞个小小gimmick（噱头）用抽嘅，1封$288，其他$100”。幸运的她刚好抽到唯一一封288元大利市，没料却是烦恼的开始，“开心咗3秒嘅，但之后就烦恼咗两日”。
她指同事们得知她获得大利市后便即时起哄，“见我𠮶封大封啲，就系咁疯狂、不断、三百六十度、无定向丧心病狂叫我请食饭”，上班2日内不断“提醒”，令她感到非常烦厌，“呢两日见到我第一句就系‘几时请食饭啊’，喺pantry（茶水间）讲，经过我个位又讲，厕所见到我再讲，烦唔烦”。
楼主直言，明白抽中大利市的确比其他同事幸运，但认为金额相差不远，请食饭的要求太过分，“大佬，我明的确系比你哋得到嘅多少少，但系多𠮶$188港纸点样请你哋食饭？唔通请你食饭团咩？随时都唔够”。
她又认为，同事们平日与她交流不多，即使抽中大利市也不愿将钱花于他们身上，“我袋到多啲都拎去孝敬老窦同娘亲，报答养育之恩啦！点会请你哋呢班平时嘢都唔多讲两句，多$188就同我扮晒熟嘅、搭晒膊头嘅人呢”。
帖文引来网民讨论，有人认为楼主的同事不断提及请食饭是贪心的表现，“$188自己食三、四次午市套餐都冇咗啦，请乜嘢食饭？间中讲就讲下笑，成日系咁提住真系好肉酸”、“我觉得呢啲笑讲一两次已经够”。
亦有人称同事或只是开玩笑，认为楼主毋须过分上心，“可能佢哋对你嘅印象就系抽到大利市，与其say声hi或者唔出声，讲下笑刷下存在感啩”、“买下零食or台式嘢饮大家happy share，唔谂打关系，大家开开心心都好”。
同场加映：老板大派1000元利市 贪心男被踢爆拎几封 成班同事被迫承受后果
同场加映：利巿乞儿│63岁未婚经理搲利市 清洁姐姐都唔放过 收唔到即面黑