禁堂食｜公司锁会议室吁留座位用膳勿外出　员工轰：高层照出去食

Omicron新冠肺炎变种病毒袭港掀起第5波疫情，政府推出新一轮防疫措施，当中包括食肆晚上6时后禁止堂食。有网民在讨论区上发文，指公司上周五（7日）起于午饭及放工时间锁上所有会议室及房间，建议员工留在座位用膳，避免外出吃饭。不过，楼主却发现公司高层“又系柴娃娃咁出去食饭”，批评他们未有做好榜样，所以不打算响应公司呼吁。
不少网民回应指高层“讲一套做一套”是常识，“人哋系高层又点同”，但亦有人认同该公司的防疫措施，因为会议室或房间未必有足够的换气设备，同事在房内集体食饭会变相播毒。

楼主在香港讨论区上以“因为要响应政府禁堂食，公司唔畀人咁做”为题发文，提到平时如果要OT开夜都会买外卖回公司在会议室开餐，偶尔亦会与相熟同事在会议室一起吃饭，但公司在上周五开始，“Lunch Time同放工时间公司闩晒啲会议室嘅门，大大小小嘅房都闩咗，唔再畀人入房食饭”，直接阻止同事在公司一起吃饭。

楼主其后又说，公司明言希望同事们在午饭时间可以“尽量留喺自己位食，唔好出去食”，但他却发现一众高层却外出吃饭，狠批“你自己都唔做好榜样，仲想我哋做细嘅跟？一边叫人唔好出去食，一边班高层又出去食饭，咁你话我哋会唔会睬你呀？”。

帖文引来网民热烈讨论，质疑公司想防疫就“应该WFH（Work from Home，在家工作）”，批评楼主公司措施的网民嘲高层讲一套做一套十分正常，“人哋系高层点同？”、“高层同高官贵人一样，佢哋可以做，但唔代表你哋低层都可以”，暗指早前发生的“洪门宴”事件。

不过亦有留言指楼主公司的防疫措施没有问题，而且只是希望同事避免出外食饭，“只系建议又无话唔畀，咁仲有咩好嘈？”。有人则指公司会议室及房间未必是理想的用膳地方，“出去食饭限每台人数同有隔板，会议室有无？公司有无限定唔畀出去食Lunch？”、“如果会议室嘅换气唔够好，锁咗唔畀你哋入系好事㖞，至于佢地出去食，都系要守规则，边间食店敢乱嚟？你都可以出去㗎，唔建议咋嘛，又无禁你”。

（香港讨论区）

同场加映：公司罕有除夕早放　打工仔1句和应上司令早收变OT兼得罪所有同事

点击下图放大即睇讨论区原文 ▼ ▼ ▼