首次见面竟食两𩠌饭 暧昧对象借尿遁即走 港男不解：好失礼咩？
“两𩠌饭店”开到成行成市，扩张速度及数量甚至已远超便利店。有港男近日发文，指早前相约在交友程式认识的暧昧对象首次见面，因两人也感肚饿，他遂提出到两𩠌饭餐厅“医肚”。他指沿途两人有讲有笑，惟点餐后才发现对方借尿遁离去并失联，令他大感不解，“双𩠌饭真系好失礼咩？”，甚至批评对方不辞而别属无礼貌表现。帖文引来热议，不少人指楼主“攞嚟衰”，认为初次见面理应多花心思以示尊重，又笑言他是“凭实力单身”的代表。
“乜真系好失礼咩？点解可以就咁走咗去？”该名港男周日（26日）发文，大呻与暧昧对象“未开始已经结束”的见面经历。他指本月初于交友程式结识了1名女网友，两人相谈甚欢，“仲愈嚟愈暧昧𠻹”，故趁圣诞节假期特意相约见面。
楼主指，与女网友约好于“拆礼物日”中午约12时见面，当时两人也未食早餐感到肚饿，故打算先吃午饭。沿途两人有讲有笑，女方对用餐地点表示“冇咩所谓”，他于是决定带对方到附近1间两𩠌饭店，“食个quick lunch医下肚啰”，没料事情发展却急转直下。
他忆述进入餐厅后，暧昧对象突然表示要去洗手间，着他先点餐，想不到对方一去便是半小时，期间更一直失联，“我以为佢系咪喺入面出咗事，Signal佢又唔应机，打畀佢又唔通”。起初他以为女生要步行至附近商场的洗手间才多花时间，后来才发现对方“已经一早走咗人”，最终只能“一个人打包两盒饭返屋企食”。
回家后楼主大感受挫，认为女方若“唔啱食”大可直接提出，“请问双𩠌饭真系好失礼咩？价廉物美又多选择，都系食个lunch啫，唔啱食咪出声啰，转场去食Omakase都得㗎，点解要就咁走咗去咁无礼貌㖞”。他又称当日原定与对方“全日出嚟玩”，早已于酒店订座自助晚餐，没想过约会竟会突然告吹，只好黯然慨叹：“而家唔使啦，晚上我食埋佢剩低𠮶盒饭算喇。”
网民看过帖文各有看法，有人认为楼主不解风情，直言与暧昧对象首次见面，理应花点心思选择餐厅以示尊重，“你都识讲有少少暧昧，有发展空间嘅时候如果约出街，正常女仔都会当系约会咁准备同期待，口就话冇所谓，但系多多少少都会觉得你系唔识做啦”、“你真系凭实力单身，约人我系完全冇双𩠌饭个概念，就算几穷都唔第一次见就食啲咁嘅挂”。
不过也有网民认同楼主，认为女方不辞而别非常无礼，安慰楼主以这经验学习带眼识人，“个女仔又话冇所谓，唔钟意食都唔使粒声唔出就走咗，一啲礼貌都冇”、“可能真系见完真人觉得同线上唔同，但佢都应该谂原因然后闪人，好过粒声唔出走咗”、“咁嘅女仔早啲睇清几好啊，真系几冇礼貌下。虽然双𩠌饭的确hea，但我觉得可以接受啊，起码佢都可以讲声话唔想食”。
同场加映：与暧昧对象睇戏约会 港女斥不尊重力数男生3宗罪：顶唔顺呢啲人
同场加映：约心仪女生睇戏买飞分开坐 网民狂数凭实力单身例子