新朋友食串烧狂叫贵海鲜 6人埋单$6543 女生惊揭内情疑遇饭托
朋友相聚花多些钱享受美食是一大乐事，不过若自己无份吃却要分摊他人费用可能会非常扫兴！有女生发文大呻圣诞节假期外出用膳的不快经历，指平安夜晚上与2名友人到串烧店饭聚，其中1名友人另外相约2女1男朋友出席。楼主到达餐厅才得知，该3名新朋友已点了多款贵价海鲜，后来更发现其中1名新朋友竟是串烧店的员工，最终整顿晚饭合共收费达6543元，而不吃海鲜的楼主及友人亦要平均摊分费用，令她有感“焗住畀钱”，质疑3名新朋友是饭托，刻意带他们到涉事串烧店消费。
“简直就系非常之差嘅平安夜！”该名女生于facebook大控诉平安夜到铜锣湾1家串烧店同膳的不快经历，指当晚相约2名友人外出用餐欢渡佳节，其中1人另外约了2女1男友人出席，即一行共6人，“亦即系话我哋事前系唔认识”。
楼主指，6人约好8时半晚饭，她与友人迟到约15分钟，没料到达时其中1名初次见面的年轻女生即表示“嗌晒嘢食”，“当我哋问咗佢嗌咗啲咩，净系弹咗一句话嗌咗海鲜同好多嘢，但问题系我哋当中有3个系唔食海鲜，佢亦都冇事前问过我哋食唔食就已经预咗我哋𠮶份”。
当食物送到时，女生才得知新朋友点了龙虾、蛏子及带子等贵价海鲜，其他串烧下单时则最少须点3串，“嘢食其实我哋都冇乜点叫过就已经嚟咗好多”，而且当晚亦没有主食如饭或面类提供，“我哋真系掂份Menu（菜单）嘅时候先知道呢件事”。
最令楼主感到怀疑的，是她后来才发现原来其中1名新朋友竟是该串烧店的兼职员工，“最好笑系个Staff（职员）问返个女仔‘乜你冇同人哋讲主食夜晚冇得提供嘅咩？’，我望向个女仔嘅时候，个女仔即刻眼神闪缩”。最终6人“埋单”要付$6543元，而查询后楼主再度发现不妥，“后尾问多两问先发现原来啲海鲜系要预订，亦即系话之前我哋3个完全唔知道佢嗌咗咁多嘢食”。
楼主言当晚犹如被骗现场，质疑席间3名新朋友属“饭托”，刻意带他们到该串烧店“强迫”消费，“最搞笑系一开头其中1个女仔话AA（制），去到后尾埋单𠮶阵竟然同我讲计人头费，重要好似当我哋水鱼咁，话自己本身想嗌条价值$888、个size好似手掌咁大嘅鱼，不过顾住啲人嘅荷包所以费事嗌”。
楼主强调自己并非未能负担人均千多元的晚饭消费，而是不愿意为别人分摊贵价食材的费用，直指3名新朋友当她及友人为“水鱼”，“我哋睇咗餐牌唔会觉得贵，你㓥我冇乜所谓，但起码你嗌嘅嘢食我系知情先，想睇单又冇人理我。我见佢哋嗌海鲜𠮶阵其实我已经想走，但我费事落我朋友面，而家谂起认真觉得搞笑，简直就系当我哋系韭菜昆我哋”。
帖文引来网民讨论，不少人认为决定带同新朋友出席的友人需负最大责任，“你朋友约𠮶三条友出嚟？你朋友好有可疑呀”、“问题出于你朋友身上，𠮶2个女仔同佢系咩关系？”、“你个朋友都衰衰哋嘅，其实佢系咪本身就知个女仔订咗海鲜而冇话畀你知？落order又唔讲声，似系你朋友都想揾饭脚share钱咁，呢啲朋友疏远好啲”。
亦有网民认为，若用餐途中感怀疑，楼主大可立即离开而非“硬食”，“如果系我，我一定会问清楚先坐低开餐，因为同对方唔熟悉，根本冇必要畀面任何人”、“呢啲环境如果我同唔识嘅人食饭，佢哋叫咗我唔食嘅嘢咁我会离开各有各食，食完再出嚟”。楼主其后则回应，指发文并非为了讨回公道，“我post都系因为畀大家知道我嘅经历，同第一次见面嘅人真系要问清问楚，只可以话当食咗死猫，下次唔会再同唔熟嘅人食饭”。
同场加映：执到iPhone机主话请食饭 好心男赴约惨遇“台版饭脚Karen事件”