港女将军澳遇电讯推广员 婉拒推销仍被追住闹 街坊见到都吓亲
疫情下经济转差，不少公司都设置特卖场或展销摊位，期望增加生意额，有港女昨日（12日）大呻被态度恶劣的推广员无礼对待。她称晚上行经将军澳1个商场时，遇上1名身穿电讯商制服的推广员，由于正赶往晚饭，遂婉拒推广员的推销，没料对方突然发难追住她大声指骂，令她深感害怕。她事后质疑对方“睇人嚟虾”，认为推广员看到她身型娇小才放胆指骂，只好提醒一众街坊：“自己1个行嘅女仔行过小心啲。”
“Promoter 嚟讲佢真系好over！”该名港女于facebook群组“将军澳主场”发文，指昨晚（12日）行经厚德商场地下，经过1个电讯商摊位时遇到1名身穿公司制服的推广员。她指因已相约家人晚饭，当时“好礼貌咁同佢讲‘我唔得闲，唔好意思’”，没料对方闻言突然发难，追住她一直指骂，“佢话，‘唔得闲就唔好应我啦！唔得闲你又应我？’”。
楼主惊慌之下一度走到附近街市暂避，惟再次途经地下摊位时，推广员“见到我就凶神恶煞咁冲过嚟”。她遂拿起手机拍照自保，并往电梯方向离开，“佢闹我𠮶刻真系吓亲反应唔切，无拍到片”，又称“我上电梯佢仲追上嚟好似要打我咁，我吓到叫屋企人喺电梯口等我”。
她事后回想，认为该名推广员“睇人嚟虾”，见到她身材较娇小才会放胆大骂，“我讲出嚟只系想啲女仔行过小心啲，因为佢好高大，唔好觉得佢返紧工着晒制服就好安全”。她又称将会向电讯商书面投诉，“投诉都多数无用，但我照书面投诉咗先”。
帖文引来街坊热议，有街坊现身表示，昨晚行经厚德商场时，疑目击楼主被推广员大骂的过程，“我真系咁啱见到，个推销电讯公司嘅男职员指住扶手电梯嘅方向闹，我都吓一吓”，并指当时曾听到叫骂声，但不清楚内容，“我听得真系唔系好清楚，听到‘你想点？’，我就即刻退后走人”。
亦有不少网民分享遇上推销员的不愉快经历，建议楼主就事件向涉事电讯商投诉，“呢啲跑街promoter九成系外判，佢闹完你听日换过件衫继续卖嘢”、“其实人系会拣人嚟虾，佢可能之前俾其他人串过，见楼主细细粒无攻击力所以揾你发泄，遇到呢啲情况唔使惊唔使理佢，当佢有情绪病就得㗎啦，出手就要大叫同报警”。
同场加映：电话推销员爆行业秘密：最钟意畀客cut线 唔想烦可以自认系学生▼▼▼
同场加映：台女等过马路遇美容推销员 被求填问卷一招反客为主获网民激赞▼▼▼
同场加映：女友电话Siri半夜出声 港男惊住问原因 网民抵死答：你理下佢啦▼▼▼