情侣食韩烧狂拎肉 全部烧㶶食几啖就走人 港男吁惜食：好折堕
港人爱美食，任食放题更是不少人的心头好，但不时有人“眼阔肚窄”造成浪费。有网民于讨论区发文，称在餐厅目击1对年轻情侣食韩国烧烤，甫坐下便拿了一大堆生肉，惟约1小时后便离去，桌面遗下全被“烧㶶晒”的肉。楼主直指该对情侣“好折堕”，呼吁一众网民为下一代着想珍惜食物。
“放题时请珍惜食物！”，该网民于Dcard讨论区发文，称日前与2名友人到餐厅食韩国烧烤，“一个价钱任食两个钟𠮶一种，喺食紧嘅途中见到一啲我好反感嘅嘢”。他说用餐时旁边有1对年轻情侣入座，对方甫坐下便拿了大量生肉，“攞嘅份量同我哋三个人嘅份量系差唔多”，当时他不以为意，认为对方“谂住攞多啲唔使行多转”。
约1小时后情侣便离开，当时放题限时仍未完结，楼主看到情侣的桌上满是已烧㶶的肉类，“全部都烧㶶咗，无论系碟上面定系炉上面都有好多，好似每样嘢咬咗几啖冇耐性烧就走咗，好折堕”。他批评情侣浪费，指因烧㶶而未能进食部分肉类属无可厚非，惟拿了一大堆后，“咬两啖食唔到就全部唔食走人”便是过分，“讲紧呢个世界仲有好多人嘢都冇得食，可能我哋嘅一餐对佢哋嚟讲，已经系三餐甚至更多”。
他呼吁网民珍惜食物，“其实粮食资源都冇我哋想像中咁充裕，就算我哋唔受影响都当为下一代著想”，又指平日自己食放题时，遇到未试过的食物也只会取少量试味，“避免攞太多发觉唔钟意食就浪费，就算打边炉任点牛肉，都系尽量食几多嗌几多，唔好一次过嗌太多费事最后食唔晒”。
网民纷纷认同楼主，指任食的方式令人容易浪费食物，又认为餐厅应严格实施罚款制度，“可能系啲放题太贵，啲人心态就系拎几多得几多”、“真系食得落先好嗌，有啲人真系畀咗钱就当自己大晒咁乱嗌”、“坚认同，呢个世界好多人连肉都未食过，仲要咁浪费，佢哋应该要去补返个大气层，所以我系赞成食唔晒罚钱嘅原则”。
同场加映：食韩烧惨遭母子嘲笑“好胖哦” 台女嬲爆反击：没家教有什么前途
同场加映：韩国女豪花7000元叫外卖唔食 大厦内轰炸式四围淋 网民轰极浪费