大使女友月花$2万买名牌再碌父母信用卡 港男劝告反被骂“穷X”
生活压力大，闲时购买喜欢的物品作为自我奖励也不为过，但花费时应量力而为。有港男于讨论区发文，直指女友是购物狂，而且愈来愈“大使”，除了月花2万元购买名牌，又用父母的信用卡网购。他看不过眼好言相劝，没料对方不但没有反省，更反斥他不愿花钱于自己身上，令他不禁大叹：“讲到我好似从来冇送过嘢畀佢咁，女人真系烦。”
“怀疑女朋友系购物狂嘅程度已经进入咗病态嘅阶段。”该名港男于Dcard讨论区发文，直指“女朋友大使到黐线”。他说女友以往也会购物，“一开头其实都无咁严重，最多都系买下网购，但最近上庄识咗班大学同学之后，咩都买名牌子”，至今恶化至每个月也会欠下2万元卡数。
楼主指，女友最近“课金”买了1个名牌银包，没料豪花一笔后仍未收手，“佢碌完自己张卡，再碌爹哋妈咪张卡。除咗买名牌银包仲会买埋晒啲韩国高价网购，每次都买2至3千蚊，一个月买至少2次”。他续指，女友碌卡已成习惯，因要还卡数，平日生活的花费也要由他代付，“佢会话近排无钱找卡数，所以请唔到我食饭，但佢每个月都系咁碌落去，真系唔使旨意有钱”。
看到女友如此花费，楼主不禁感到担心，遂好言相劝提醒对方注意，希望女友也意识到这情况，没想到竟遭女友“话返转头”，“话我穷X，‘少少钱都唔肯使，咪我自己买啰’。吓？讲到我好似从来冇送过嘢畀佢咁”。楼主其后称与女友因这事冷战，大叹：“我就觉得自己冇错㗎啦，但我又觉得佢唔会主动揾返我，女人真系烦。”
帖文引来网民热议，不少人认为如楼主与女友对金钱的价值观不一致，日后亦难以有将来，“除非你都系好有钱，如果唔系我睇唔到你哋有未来”、“讲真买名牌可以，但系要能力范围内，而家明显系虚荣到冇钱都要买名牌，咁嘅价值观都好难一起继续行落去㖞”、“你女朋友仲要唔知自己有问题，呢个先系最大问题。我谂佢都系受身边同学影响，好好哋揾个地方认真倾下”。
同场加映：女友住酒店上瘾 不断加钱升级豪玩 男友呻：Staycation害人不浅
同场加映：女友睇楼提出未来屋企摆按摩浴缸 港男批唔实际：香港边有屋做到