Benz夫妇违泊阻街被骂！被指自称“律师”要求收声　报警后续更狂

违例泊车还“声大夹恶”？本港网络疯传1段影片，指油麻地有1辆平治（Benz）私家车违泊单白线，导致其他车辆要违规“cut”单白线（双白线，分实线及虚线）前进。后方车辆司机不满，上前拍片理论时，平治男车主却反问“做乜X嘢？”、“你扣分关我咩事？”。拍片司机指平治男车主曾自称是律师，说过要“玩大佢”，惟拍片司机问及律师种类和承办个案详情，平治男子以“关你X事”回应。而平治男车主妻子则要求拍片司机“收声”，批评“唔好嘥我时间”。

双方僵持，最终要报警处理，有2名交通督导员到场调停，拍片司机则称“并没有发出任何告票情况下俾佢（平治男车主）离开”。

影片引来网民热议，大赞拍片司机“做得好”，“片主做得啱好嘢”、“自己唔啱仲寸XX咁，say个sorry咪完啰，系要觉得个世界围住佢转”。亦有网民建议楼主追究到底，“畀条片交通部”、“建议你写信去香港律师会投诉佢有排烦”。

平治打“死火灯”停泊单白线路边

有港男于社交平台Threads发布影片，指他于7月1日（星期二）下午近5时驾车驶到油麻地窝打老道准备左转入砵兰街时，看到前面有1辆平治私家车打“死火灯”停泊单白线路边，于是稍为等候，“我以为佢落人就开车走就等一等佢，点知佢老婆（平治男车主妻子）落咗车佢都唔肯走，我就响咹，佢仍然唔肯走”。

拍片司机指平治男车主曾自称“律师”

楼主下车走到平治私家车前了解，他称平治男车主发恶“凶”他，“佢太太一见我落车再同我讲：‘佢哋而家喺入边买紧嘢’，叫我抽部车出去。如果出面唔系单白线成件事系冇问题嘅，佢老公一落车就凶我问我：做乜X嘢？我咪同佢讲你阻住我啰，佢叫我抽出去入返去，我咪同佢讲单白线扣分罚钱，佢就话：‘你扣分关我咩事？’”。

楼主大感不满，报警并与平治男车主争论，楼主指平治男车主曾自称“律师”及声言“玩大佢”，“期间该男司机敲打我车窗，又擅自开我车门，又自称律师要同我玩大佢，仲又话自己‘秒秒钟几十万上落’，当我问佢有关律师嘅嘢，佢就变咗NPC净系不断话‘关我X事’”。

平治男车主反呛：你个P牌仔唔好咁多嘢讲啦

从影片看到，平治男车主夫妇正与拍片司机争执，拍片司机指“单白线，佢架车就咁打死火灯停咗喺度”。画面中平治私家车车头在单白线范围，而前方竖立了“全日停车限制”标示牌，不过平治男车主妻子指着车尾说“呢度未到（单白线）啊先生”，平治男车主则说“你个P牌仔唔好咁多嘢讲啦”。

之后平治夫妇转身想返回车上，拍片司机表示“到（单白线）㗎喇，唔紧要啊，1823之嘛”，平治男车主闻言反呛“1823我啰，多X谢”，大力关上自己门并怒气冲冲走前，拍片司机即问“郁我啊？”。

拍片司机：违例泊车泊到咁型咁寸　被女方叫收声斥“嘥时间”

画面一转，平治夫妇站在车尾，与拍片司机一同等候警察到场。拍片司机把镜头对着平治男车主表示，“呢位先生自称系律师，仲要单白线（停泊），落车买嘢，我叫佢郁车唔郁，要全部车喺度CUT单白线，律师㖞！”。

平治男车主没有回应，只“跷起双手”不断“䟴脚”，妻子则叫丈夫“得啦你唔好䟴喇”，又叫拍片司机收声，“你无问题你收声啦，好嘈啊你，真系”，拍片司机回应“我都唔想嘈啊，你肯郁车我咪唔嘈啰”。平治男车主叹气“唉”一声，打开车尾门坐下，妻子表示“得喇得喇，唔好再讲喇，嘥晒啲时间，小事成咁你（拍片司机）都可以咁样嘅”。

不过拍片司机未有停口，向平治男车主说“玩大啲，你自称律师啊嘛，事务律师定大律师啊？”，平治男车主只重复“关你X事啊？”，并举手机反拍拍片司机，拍片司机反呛“违例泊车，泊车泊到你咁型咁寸”，妻子重申“唔好嘥我时间啊嘛，喺度”。

影片最后，平治男车主以英语表示“Doesn't look like I care，I Don't fxxk about you”，拍片司机继续说话，妻子不满批评“好烦，真系”，平治男车主亦转回广东话指“黐X线，香港真系好X多傻仔……好多黐X线”，取出香烟吸食。

交通督导员到场调停

楼主补充，最后有2名交通督导员到场调停，平治男车主离开，未有发出告票。

网民看过影片议论纷纷，有人赞楼主做得好，“片主做得好，做得啱好嘢”、“支持你，有时语气态度好好地say个sorry都算，但佢咁X衰，仲要唔觉有问题，真系火都嚟”。

网民倡追究到底

也有人建议楼主追究到底，“畀条片交通部。你有无佢开你车门嘅片？有嘅去埋报案室话有人干预车辆”、“楼主建议你写信去香港律师会投诉佢有排烦”。

然而也有网民认为只是小事，毋须“化大”，“拍片司机小事化大”、“前车唔啱，但我谂后车应该直接去X过佢嚟，谂都系互相态度起火”。随即有网民反驳，“事实唔小事，你揸过车就知，停街边正X样，你上落货／人我都算，自己一个霸X住条线，仲要佢真系停正喺白线前，逼住其他车行白线”。