遇一家3口内地家庭求借钱　港女拒绝竟遭抢走零食　网民斥：狼死

“借钱党”进化到“打劫”零食？有港女于网上发文表示，日前在回家路上被一家3口、操普通话的内地家庭截停问有没有“散纸”，让他们买食物给小朋友吃，她回应没有现金，内地家庭要求去银行柜员机提款，她以“唔方便”为由婉拒，怎料下秒内地家庭竟“打劫”她袋中两包小馒头零食就离开。

该港女于Threads发文指出，“傻X咗，被人打劫咗两包小馒头”。她忆述，当天买完东西在回家路上被一家3口内地家庭截停，称在澳门赌完钱后身上没现金，问她有没有“散纸”，让他们买食物给小朋友吃，她回应没有现金，只有银行转数快。

遇一家3口内地家庭求借钱

内地家庭未有放弃，竟要求港女去银行柜员机提款，“佢好意思叫我走去揿钱畀佢（但系佢又唔系而家即刻畀到rmb我）剩系话加我微信”，港女表示“咁我唔方便㖞”，而内地家庭更3次强调“唔会呃人”。

港女拒绝竟遭打劫零食

下秒，内地家庭指着港女的袋问里面装了什么，可否送零食给他们儿子，还未说完就开始“伸手摷我袋零食，佢仲要嫌弃我无饮品”，然后“佢多谢都无声，就拎走咗我两包嘢食”。

港女指出，“我觉得报警又未至于，得𠮶两包小馒头”，认为警方不会受理，加上原以为内地家庭拿走零食后会互加微信付钱，“点知走X咗，仲嫌少”。

网民：好似行山遇到马骝咁

网民留言批评“打劫”零食的内地家庭，“好似行山遇到马骝咁”、“点解可以厚面皮到咁”、“咁狼死，如你有现金喺身，抢的就不是一两包小馒头了”、“大癫，我怀疑呢1家3口都系假㗎，无关系嘅，只系多个细路等人易落搭啲”。

网民：大嗌“抢嘢呀”包佢哋即走

网民亦认为楼主太善良，“你都几好人㗎㖞，咁都唔拎返”、“你真系菩萨心肠，畀着我俾人抢嘢食我会嬲到癫”、“你自我保护意识要提高，陌生人咁对你都唔识反击，下次系银包，你有反应时都跑走咗啦”、“唔明白点解你有空间机会俾佢哋攞到嘢，你一开始say no就走啦，停喺度把鬼咩”、“其实楼主真系可以大嗌‘抢嘢呀’包佢哋即走”。

网民提醒小心各种行骗手法

有网民提醒，“呢啲微信骗案嚟，你畀咗钱佢，佢可能会覆你一两日嘅，但系永远都唔会过返钱畀你，然之后就blacklist咗你”、“想提下呢啲有几个人一齐的，要小心佢哋其中一两个表面拎你啲食物，而另一个开你个袋（特别系背囊/斜孭袋）偷嘢。（之前朋友试过喺旺角，一个问路，一个去拉开佢背囊）”。