为公司卖命通顶加班　HR提醒要打卡下班　打工仔怒：我一路番紧工

到底打卡记录上下班时间是否合理？有打工仔于网上发文分享职场辛酸事，有次他与全组同事“通顶”加班，赶着完成招标事宜，至翌早8时半，他收到人事部电话提醒收工离开公司时要打卡记录，他指出一直加班没离开，人事部仍继续要求他立即去门口打卡记录。楼主认为要求无理，不满指“我都冇收工，打咩卡番工啫？”，然后就挂断了电话。没料到至当月月底时，人事部的另一项要求令他更感无奈。

该打工仔于Threads以“一句说话，收HR X”为题发文，忆述早前他与全组同事“通顶”加班，赶着完成招标事宜，翌晨8时半，“做到灵魂出窍之际”，座台电话响起。

HR提醒要打卡下班　通顶加班打工仔嬲爆

人事部同事表示，“早晨，温馨提示你㖊晚收工冇打卡走，提提你下次收工记得打卡”，楼主指出“我OT通咗顶，都冇收工”，人事部同事继续按规例办事，“明白，咁你而家出门口，帮我打番卡做番记录”，楼主即时火起，理论说“我都冇收工，打咩卡番工啫！我一路都番紧工呀，你明唔明呀？”，然后就挂断了电话。

HR后续举动令打工仔反白眼

因不少网民好奇后续，楼主其后补充说，当月月尾，人事部给了他一份Excel表格，是整个月的打卡纪录，“叫我填番啲窿窿，跟住畀Team head（组长）签名作实”，连组长也要填该份表格，没有一个人能够幸免，他以“反白眼”表情符号形容当刻反应。

网民：人性比SOP/公司制度更令员工信服

不少网民指出，员工为公司加班卖命，人性处理上班时间比按章办事更凝聚人心，“咁唔信员工，咁使鬼同佢卖命”、“净系识睇几点返，唔睇人几点走”、“今时今日，份工仲要打卡嘅，辞职算吧啦”、“人性比SOP/公司制度，更令员工信服” 、“喺屋企度嘢、写稿通顶、个客半夜三更扭计、同外国客开zoom会，系咪有得计工时？”、“如果份工唔系计时薪嘅话，打卡其实有乜X嘢用？”。

有自称前人事部员工的网民表示，“虽然我HR出身（而家转咗做OM），但真心觉得好多HR唔识做人。打卡都要睇系咩工种，你茶餐厅、餐厅真系要，你office做咩睇打卡？咩年纪？你放工WhatsApp人个啲唔系工作时间。老老实实，成日认为人哋偷懒、会早走，睇打卡咁紧嘅人，其实自己就系最钟意偷懒个个”。

网民：打卡保障自己

不过也有网民认为，打卡是保障自己，“又唔系㖞，保障番自己，就算无收工，都应该要喺今日官方开工时间之前打卡收工，再即刻打番卡开工。一阵公司话你今日无开工record盏攞嚟嘈，如果HR要断日计返工record嘅话一阵又有排搞”、“打卡其实真系好老土，但搞到要打卡，其实就系有为数不少嘅前人玩烂咗个信任”、“其实个HR都系公事公办”。