遇对的人想结婚　惊闻女方曾堕胎陷苦恼　港男：心入面插咗条刺咁

找到能共渡余生的人并不容易，有32岁港男近日陷入爱情苦恼，他于交友程式认识1名女生，见过几次面下，感觉两人十分契合，对方不介意他“冇楼冇车乜都冇”，愿意了解和认同他，他认为对方是对的人，期望能“一生一世”。惟女生日前突然向他透露曾经堕胎，解释“当时真系有啲难处”，港男直言“心入面就好似插咗条刺咁”，纠结下求救广大网民：“你哋会介意自己未来老婆堕过胎？定系，其实男人根本唔敢讲出口自己介意？”

有网民留言指出港男并非很爱对方，“口讲话对嘅人，但连佢人生嘅一部份过去都接受唔到，唔觉得佢有几钟意呢个女仔”，有人说若心存芥蒂，不应勉强在一起，“佢都鼓起好大勇气同你坦白，就系想畀机会你走，你系介意嘅就大大方方认，大家再揾下一个，唔好浪费时间，唔好喺度扮大方扮接受到，成为计时炸弹，唔知几时又再攞出来讲”。

“遇到对嘅人，但佢堕过胎”。有Threads专页分享读者投稿，有港男指出，他年轻时样貌尚算不错，拍过不少拖，“唔敢话好贪玩，但真系冇太认真谂过将来”。直至近年开始觉得，“想揾个人安定落嚟，结婚、过生活”，但身边圈子愈来愈窄，同事一半已婚，一半“唔啱feel”，朋友介绍的不知如何开口，所以试玩了交友应用程式。他乱加了几个女生，有些已读不回，有些太造作，但其中有个令他有点动摇。

32岁港男遇对的人：可以一生一世就好

港男表示，对方95年出生，做自由职业，性格很开朗，“同佢讲嘢唔使包装，大家好啱倾，系可以倾通宵嘅”。两人见过几次面，去过观塘海滨、浅水湾夜游，在对方楼下吃宵夜。有晚在海边闲逛完送对方回家，该栋是旧楼，楼梯口挂着风铃，风吹过去会响，他站在楼下望着对方走上楼，心里出现了个画面，“如果可以同佢一生一世就好”。

港男：佢唔介意我冇楼冇车乜都冇

港男说，他今年已32岁，做中小企市场部，人工不高，两万元左右，家庭背景普通，甚至可以说“几差”，他一家多年来都是租楼住，小时候试过1年搬两次屋，有时连地址也记不清楚，“所以我一直都冇谂过要咩真爱，但系呢次唔同”。他指出，对方不介意他“冇楼冇车乜都冇”，反而愿意了解和认同他，“喺我心入面，开始觉得自己唔可以再错过一个咁契合嘅人”。

女生坦承曾堕胎：当时真系有啲难处

港男续说，日前两人聊天时，对方突然问“你接唔接受到女仔嘅过去？”，他回答“如果对方曾经堕胎，我会有啲难接受”，讲完后觉得自己讲得太直接。对方愣了一秒，然后低声说：“我试过一次……唔系玩玩下，当时真系有啲难处”。港男听后脑海一片空白。

港男：心入面就好似插咗条刺咁

港男只是回答1句“我明……”，但回家后整晚睡不着，脑内不断回响着对方曾堕胎的那句话。理性上，他知道对方没错，自己也并非“干净无瑕”，但不知为何“心入面就好似插咗条刺咁”，“你话要拔出嚟，好似又冇咁易；但要当无发生过，真系做唔到”。港男表示，“我唔系想搏闹，亦唔系想贬低佢”，只是想问网民1句：“你哋会介意自己未来老婆堕过胎？定系，其实男人根本唔敢讲出口自己介意？”

网民：介意代表唔系咁爱呢个女仔

不少网民直言，港男非全心全意爱着，建议放过女生，“本来女仔唔讲，佢呢世唔会知，自己又唔系咩新鲜萝卜皮，人哋攞个真心出嚟仲要到你觉得有条刺，放过个女仔啦，佢值得更好嘅人”、“堕胎啫，又唔系曾经杀人放火，有咩条刺啊？”、“如果你决定同佢一齐，关心将来好过啦”。

有网民关注港男条件也不算好，“两万几，你点生存的，仲话拍拖”、“自己冇条件仲学人讲条件”、“边个畀佢嘅自信以为自己有条件选妃”、“你32岁又揾得两万零蚊、冇车冇楼、冇家底，对方都未嫌弃你”。

网民：接受唔到就唔好屈就

有网民语重心长表示，若介意就不应该勉强在一起，“接受唔到就唔好屈就，夹硬屈就只会系心中条刺，再扩展成为裂痕”、“无论男女，都不应被审判，却步是人之常情，堕胎绝非易事，愿你们在爱内跨越一切”。