天水围新骗案？乡音女跌这东西叫捡起　目的细思极恐　港女：好惊

【细思极恐】路上的东西不要乱捡。有港女于社交平台发文，指经过天水围天瑞商场中国银行外面自动柜员机（ATM）时，听到后面有跌东西的声音，接着1名有口音中年女人向她表示“妳跌咗嘢呀！”。港女不虞有诈捡起散落地上的白色卡片，发现印有红色福字，感觉诡异，于是掉回地上，讵料中年女人突然表示这些卡片“系我㗎㖞，点解咁奇怪我啲嘢会跌咗喺地下嘅”，随后捡起所有卡片。回到家后，楼主愈想愈害怕，遂发文求助，“愈谂愈惊，仲要系白纸红字嘅福，好诡异。好肯定佢一定系专登，大家知唔知条中女背后目的系做咩？好惊呀”。

帖文引来网民热议，直呼“恐怖”。也有不少网民拆解背后“心寒”原因，提醒不是自己的东西不要乱捡，“抢福……转祸、转病，将唔好嘅嘢，故意整落地，引人脚踩或手捡”；但亦有网民认为“迷信嘢，不信则无，百无禁忌”。

“细思极恐，防人之心不可无”。该港女于5月12日（星期一）在社交平台Threads发文，指当日经过天水围天瑞商场中银外面自动柜员机，突然听到后面有“跌嘢声”，有1名穿白色衫戴白色口罩中年女人，用有口音的广东话向她说“靓女，妳跌咗嘢呀”。

口音中年女指“妳跌咗嘢”　港女捡起大惊

楼主转头看到有几张白色卡片散落一地，犹豫之际中年女子再指着卡片说“系妳㗎，系妳跌㗎”。楼主闻言不虞有诈，捡起其中2张卡片，反转发现印有“红色福字”，大感惊讶，“𠮶下感觉有啲诡异。然后我有啲惊，即刻掉返喺地下，皱晒眉咁望住条中女话唔系我个㖞”。

讵料接下来更恐怖！楼主表示，该中年女子突然说“系我㗎㖞，点解咁奇怪我啲嘢会跌咗喺地下嘅……好奇怪㖞好奇怪……”，随后捡走所有卡片。

口音中年女突捡走所有卡片　港女愈想愈诡异

回到家中，楼主愈想愈心惊，遂发文向网民求助，“明明条中女一开头好肯定话啲卡片系我跌，跟住最后又认返自己跌仲执返……唔知条中女点解要咁做，但谂起背脊都有少少凉。谂起中国𠮶啲传统习俗，叫人唔好乱执嘢，我而家好后悔自己手多多，愈谂愈惊，仲要系白纸红字嘅福，好诡异。虽然唔知条女咁做有咩目的，但我好肯定佢一定系专登，大家知唔知条中女背后目的系做咩？好惊呀”。

网民：似系抢运　吁勿乱捡东西

网民看过帖文议论纷纷，直呼“恐怖”，“So scary……”。也有不少网民拆解背后“心寒”原因，提醒不是自己的东西不要乱捡，“抢福，婚礼时，新人入场一刻，有人着红衫，冲出嚟打横行，截咗一对新人喜气福运。呢个情况类似。转祸、转病。将唔好嘅嘢，故意整落地，引人脚踩或手捡”、“妳掂过嘅福字，即妳嘅福运，被她拿走了”、“如果系冥婚妳就仲大镬，所以下次唔好乱掂嘢啦”、“同妳讲，佢用呢种手段抢人福气系唔会抢得到，不过安全起见妳都系用碌柚叶水洗一洗身辟邪好啲”、“不要好奇，不是自己啲嘢千万不要摸”。楼主回复“唔好吓我呀，真心惊”。

不过亦有网民指出，“迷信嘢，不信则无，百无禁忌”、“唔好迷信啦，信则有、不信则无，妳反而应该提醒自己下次唔好手多多，一阵间遇着碰瓷党，屈妳偷嘢，或者整烂佢啲嘢要赔钱，妳仲麻烦 ”。