叫出前一丁外卖！食客加$2要“分汤”结果超傻眼　茶记员工解内情

不少人叫外卖时都会要求“分汤”，以免汤底浸久了会令面条或配菜变软淋，口感不佳。惟有食客却大呻，日前经外卖平台，点叫火腿丝配出前一丁套餐，并加2元要求“分汤”，但外卖送达时却见到其中一个胶碗只有约4分之1的清水，另外再获1包调味粉，傻眼称“分汤原来系咁嘅意思？”。

有网民质疑餐厅是为节省成本，“水都唔畀，赚死佢”。不过有茶餐厅前员工就解释这是适当做法，“正常都系畀滚水，原本茶记开嘅鸡汤就咸，再落埋粉个汤就咸到X街，但唔畀包粉又会畀人X都唔知有无真系帮我转咗丁（出前一丁），所以多数都系出滚水，再自己落粉”。

外卖叫火腿丝配出前一丁面　加2元要求“分汤”

该食客在threads发帖，无奈询问“分汤原来系咁嘅意思？”。从事主上传2张照片所见，他经由外卖平台Keeta于餐厅点叫1个火腿丝自选粉面套餐，并加4元转为前一丁面，而套餐包括肠仔煎蛋、牛油方包、以及1杯冻柠檬水；而他下单时亦额外加2元，要求餐厅“分汤”，即是将面条以及汤底分开2个碗。

餐厅提供一碗约4分1清水　另附送1包调味粉

不过当外卖送到时，却令他很是错愕，事关餐厅的“分汤”竟然是将面条以及配料放在1个碗内，另一个碗只给予约4分之1的清水，然后再附送1个味精调味粉，楼主明显需要自行加水再冲泡调味包，因而称“我唔expect佢系粉水分离…以后唔会再咁嗌”。

网民质疑餐厅此举为节省成本：赚死佢

帖文惹来网民讨论，有人质疑餐厅“赚到笑”，“唔好意思，真系好想笑”、“畀2蚊买个汤包”、“水都唔畀，赚死佢”、“第一眼以为畀个吉碗你”、“加2蚊都唔整埋个汤咁衰”、“service咁差，唔帮你倒埋包粉”、“去超市买包出前一丁无咁嬲”。

茶餐厅前员工解谜

不过有曾在茶餐厅工作的网民就留言解释，“正常都系畀滚水，原本茶记开嘅鸡汤就咸，再落埋粉个汤就咸到X街，但唔畀包粉又会畀人X都唔知有无真系帮我转咗丁（出前一丁），所以多数都系出滚水，再自己落粉”、“你加咗$4畀佢，佢要证明佢系出前一丁”。

（threads＠kakameooo）