私补老师到半山豪宅上课！5原因“再高offer都唔教” 1事遭扣钱

富贵人家的钱并不容易赚！有私补老师于网上发文指出，“有一种家庭，再高的offer（薪酬待遇）我都唔会教”。她提到，早前到过亿半山独立屋试堂，不满雇主未有安排司机接送、未有简单打扮迎接、被安排上课的儿子不甚上进、下课后被要求写观察分析报告，令她最不能接受的是迟到了7分钟，虽然有补时也被扣钱，她忿而告知雇主秘书“我觉得自己唔太适合教佢小朋友”而辞掉工作。

帖文引来网民热议，有网民分析道“冇安排司机接送/交通钱，唔觉有咩问题，觉得远可以唔接。土豪装修，个人喜好，亦唔觉有咩问题。打唔打扮见仁见智，唔打扮未至于令我唔去教。不甚上进，上进嘅唔使揾你啦。send report少X，加钱同你做。迟到系唔啱，不过因为迟到又扣人钱又系X咗些少”。

批住独立屋雇主不安排司机接送

该私补老师于Threads发文表示，早前接到住过亿半山独立屋的有钱人家秘书通知，安排她试堂私补，她答应接下工作。但由交通起就有诸多不满意的地方，指出“通常呢类家庭会安排司机接我去，或者额外畀交通钱，但佢冇”。

到达独立屋后，她先被“一屋土豪装修”吓亲，再见到女雇主的打扮，直言“我呆了，我以为系屋企的阿姨”，认为正常第一次见老师或客人，雇主都会简单打扮一下，“特别如果系阔太”。接下来，“不意外地，个仔都系不甚上进的青年”，简单询问在学校学了什么，有什么不明白，“咩都话唔知，唔清楚”。

不满迟到7分钟被扣学费

下课后，秘书要求她传送报告，写下对小朋友的观察与分析。计算学费时，秘书转述“X太话你𠮶日迟了7分钟到，学费上扣返$XXX呢个数，ok？”，楼主解释因交通不太方便，所以迟了少少，但已迟下课补时，秘书回复会向雇主反映。

思考了一阵子，楼主决定辞掉工作，向秘书表示“算啦，你照过呢个数畀我，麻烦帮我同X太讲，我觉得自己唔太适合教佢小朋友，thank you！”。楼主于文末写道，“装修反映父母，父母反映家教，家教反映学生”。

楼主随后又于留言区补充说，私补不时都会“早开始迟落堂”，在时间上“冇得好死板咁计”，认为雇主可以口头提醒勿迟到或先弄清楚有没有补时，批评雇主“作为上流家庭，咁样做只会被人觉得好小家，观感唔系几好”。

网民反驳楼主：迟到是时间管理问题

有网民指出守时是个人操守问题，楼主应预早出门，“但补习迟到又真系唔可以赖人哋屋企远冇司机等借口，呢啲系time management（时间管理）问题㖞”、“你做嘢迟到系你个人唔专业”、“觉得唔就脚就早啲出门口，唔想早啲出门口就call的士，两样都唔想就唔好接”。

有网民则说，“如果你知道地点喺边，车唔车妳或者有无交通费系应该上门之前倾好晒”、“喺自己屋企特登为咗你无啦啦打扮下咪仲奇怪”、“我谂你真系对有钱人有太多幻想，有钱人真系唔系奉旨要对人大方”。

有网民撑楼主：雇主扣钱好孤寒

不过亦有网民撑楼主，批评有钱雇主“孤寒”，“话人唔准时𠮶啲唔好戆X啦，第一次上嚟你屋企，仲要半山，仲要𠮶7分钟，走嚟同人讲话要扣返钱，真系好唔considerate（周到）同样衰”、“迟到又真系唔啱嘅，不过你补返时又冇理由要扣钱”、“我觉得好笑嘅系屋企咁X有钱，但又要因为人哋迟咗少少而咁计较啲人工”、“真系onX家长，补习要出report？”、“有钱佬不意外，越有钱通常都越孤寒”。