旺角买雪糕要求洗机！港女：好抗拒椰子味　西客VS合理要求引热议

乳酪雪糕口味选择多，到底要求店员洗机，清走上一位顾客所点口味的残余物是否合理？有港女于网上发文公审旺角一间雪糕店店员拒绝帮她清洗雪糕机，指出付款时已向店员表明“我好抗拒椰子个味”，结果雪糕制好后底下混合了上一位顾客所点的蓝莓椰子味，她十分不满地批评店员“如果唔钟意呢份工就唔好做啦”。

帖文引起热议，不少网民留言批评港女是“西客”，“你真系一个西客，奄尖就过主啦”、“个个好似你咁一日要洗几百次，揾鬼做”。不过有网民就指出，曾被同一品牌雪糕店店员主动问过是否需要洗机，“有啲阿姐会话‘上手系蓝莓，介唔介意？’，我就绝对欢迎3只味”。

港女抗拒椰子味　要求店员洗雪糕机

该港女于fb群组“香港雪糕关注组”发文，指出日前在旺角一间雪糕店点了杯芒果哈密瓜味乳酪雪糕，她知道前一位顾客点了蓝莓椰子味，故付款时已向店员表明“我好抗拒椰子个味”，请求制作她的雪糕时先洗一洗机，但店员当时只顾着骂她“小姐你要买就排收银呢边，唔好企雪糕柜𠮶边！”。

港女原以为店员收到她的要求，没料到雪糕制好后，“一杯芒果哈密瓜出嚟系浅紫红色嘅！反转个底仲有上一手蓝莓皮&椰子！”。港女大感不满，批评店员“如果唔钟意呢份工就唔好做啦”，更因雪糕混合了椰子味，只能给丈夫吃，“我嬲到成杯畀咗我老公食，搞到佢以为我今日皇恩浩荡呀”。

网民批西客 VS 确实有洗机服务

帖文引来网民批评，“西客何其多，生意难做”、“买𠮶一杯雪糕就要人哋洗部雪糕机，真心xls，明知自己咁麻烦，自己买部喺屋企整啦”、“会洗㗎咩，我次次买都沟上手嘅”、“其实真系会好少洗机啰，公主唔好食雪糕啦”、“其实你可以买两杯，第一杯畀老公，第二杯畀自己”、“可怜老公原来平时要皇恩浩荡先有得食”。

不过亦有网民指出，确实有洗机服务，“我喺大埔买，真系10次有8次职员会主动问我要唔要洗机，仲会话我知上手系食咩，问我介唔介意”、“其实以前有喺其他分店食过，佢会用小小纯乳酪过一过部机，下一家就食唔到上一家嘅味了”、“我都试过，同埋佢哋洗机都好快，一两分钟嘅事”、“我记得好耐之前洗机系正常流程，但整吓整吓就变咗问介唔介意上一手嘅味”。

港女更新帖文：洗机快过出一杯制成品

港女事后再更新帖文表示，“只系好奇原来大家未见过佢哋洗机？仲问我系咪第一次食？”，强调“我就系食咗好多年，成日食见得多先知”。

港女说，店员洗机过程只是倒水或“𢳂一球雪糕”，放进搅拌乳酪的锥形透明筒中，“拉一次两次就已经洗完，快过出一杯制成品，因为冇阻力，等个个以为麦记雪糕机”，而且好多店员都会主动问是否介意上一位顾客所点口味及主动洗机。

港女又于留言区补充道，她当时于晚上9时半购买，后面没有其他顾客，“成个舖面得我一个”，所以才提出洗机，“我唔删post系因为我真系有道理”。她指出，洗机是好基本的要求，不洗会影响下个制成品的颜色和味道，“我冇谂过佢可以唔做”，而且店员听到她的要求时可以拒绝，她会选择不买，“而唔系照行过去令到我误会佢听到，但唔理，然后整出嚟焗我要”。