九巴乘客车厢剪指甲！司机开咪1句劝阻获激赞　网民封：最佳车长

搭乘公共交通工具时，切勿做出骚扰他人的行为。有港男日前搭乘巴士，遇到有乘客于车厢内剪指甲，司机见状于是开咪并以广播提醒对方，“请乘客唔好喺车厢入面剪指甲呀”，又称“好核突呀！”。涉事乘客被劝阻后没再剪指甲，楼主因而发文公开赞扬巴士司机。

许多网民大赞司机“做得好”，“临尾句好核突呀，简直系画龙点睛”、“谂起个画面都觉得𠮶个人尴尬，不过佢自己造成嘅”。有人觉得现今社会愈来愈多人于公众地方做出无品行为，“从来都唔明白点解啲人要喺公众地方做啲咁嘅嘢？”、“请尊重别人都尊重自己，私人事返屋先做”。

九巴乘客车厢剪指甲　司机开咪劝阻

该港男在threads帐号发帖，指3月13日早上搭乘九巴265M路线巴士，遇到有乘客于车厢内剪指甲，他认为对方行为没有修养，质疑“同撩完鼻屎周围弹无分别”。未几，司机突然开广播提醒“请乘客唔好喺车厢入面剪指甲呀”，又称“好核突呀！”，而该乘客听到广播后，亦没再剪指甲。楼主欣赏巴士司机勇敢发声，遂公开赞扬对方。

网民激赞司机：做得好

许多网民大赞巴士司机“做得好”，“咁正嘅司机点解我遇唔到，成日都要自己出声X”、“临尾句好核突呀，简直系画龙点睛”、“谂起个画面都觉得𠮶个人尴尬，不过佢自己造成”、“呢啲司机要send email赞扬”、“近呢年多咗司机会爆咪讲嘢，叫人睇电话睇片唔好开到咁大声等等，可能多咗后生入行，好多都见义勇为发声，系好事嚟”。

网民劝尊重：私人事返屋先做

有留言觉得愈来愈多市民在公众场合做出缺德行为，“宜家啲人周围剪指甲，搭巴士又剪，搭地铁又剪，好X污糟”、“请尊重别人都尊重自己，私人事返屋先做”、“我试过行紧去搭地铁，个阿姐一路行一路剪，劲惊佢弹咗（指甲）过嚟”。

不少司机都勇于发声　制止乘客扰人行为

有乘客则分享曾遇过其他勇于发声司机经过，“有次搭巴士，我坐上层突然听到司机请下层一个乘客睇片用耳机，开头佢好似熄咗声，好快又播返，结果司机停埋一边再请多佢一次，等佢熄晒先开车，当刻我心里面拍烂手掌劲赞个司机”、“上次我搭269C，都系有个司机喺度叫几次：‘唔好喺车剪手指甲’，然后阿伯听唔到继续剪，后尾司机行去叫佢唔好再剪”。

（threads＠taishiu）