港铁儿童将饼干洒满地　妈妈只骂不清理　网民怒斥：下车不顾而去

自己的垃圾应该自行清理！有港铁乘客近日发文公审，有妈妈眼见坐着婴儿车的子女不慎将一大包饼干弄洒一地，却只顾责骂子女，未有清理车厢，随后更推着婴儿车在旺角站下车，“遗下一地饼干不顾而去”。有网民斥责妈妈不清理车厢是故意为之，“佢借啲意扮骂到出门口，但一定唔会执返啲饼”、“净系闹个小朋友有咩用，自己执返啦”。

子女将饼干洒满地　妈妈只顾责骂

该乘客于Threads发文贴出照片，可见有妈妈推着一部双人婴儿车站在车门旁，车上坐着一对年幼子女，妈妈脚旁地面散满一堆饼干，身旁乘客均投以目光，注视着一家三口。帖文写出事发经过，“个小朋友喺车内打开包饼干然后搞到一地都系，全世界都望住佢哋”，妈妈却一直只顾责骂，到旺角站后直接下车，在月台“继续闹”，“遗下一地饼干不顾而去”。

网民留言批评，“车厢可以食嘢嘅咩，畀嘢仔女食，仲大大声闹仔女”、“其实当个细路一拎包饼出嚟𠮶阵，个家长就应该立即喝住‘唔准开！返屋企至食！’而唔系任得佢开！”、“家教真系唔系个个有，也唔系个个识”。

斥妈妈故意不清理饼干　网民：拖到落车走人

不少网民不满妈妈只顾责骂子女，未有清理车厢，“闹唔系畀个仔听，系想畀人哋‘睇’，嗱我知问题我做紧嘢，然后拖到落车走人”、 “正路就攞张纸巾执得几多得几多嘅”、“我会讲一句：小姐，闹完未？唔该执返你嘅垃圾”。楼主回复说，妈妈下车后在月台继续骂了几句，至少有30秒，“但系两个小朋友仲喺度嬉皮笑脸，喺度玩”，有网民认为“做戏做全套呀嘛，如果唔系点样可以留低饼干碎唔清”。

有网民分享经历，指出并非每位妈妈都没教养，“有次试过一上火车就见到一地都系倒泻嘢饮，因为架车郁紧所以面积好大，然后有个8、9岁嘅小朋友喺度用纸抹，应该系佢倒泻然后佢妈妈叫佢一定要抹返。虽然都污糟，但至少教识个仔有承担” 。