老细拍膊头鼓励：“睇好你啦” 打工仔信到足博表现仲chur埋上司
职场上充满善意谎言，刚踏入社会的打工仔一不小心随时中伏。有网民于讨论区分享，指早前老板留意到1名刚入职的新同事参与企划，遂关心对方入职的情况，并拍膊头鼓励：“睇好你啦。”楼主指新同事或欠经验，竟“信晒老板讲啲嘢”，更“瞓身”工作博取表现，催逼其他同事及上司，令楼主只能慨叹对方入世未深。
该名打工仔于香港讨论区发文，指近日刚完成1个企划，打算放慢工作节奏休息一番，同时准备新企划内容。而1名刚入职的新同事因首次参与工作企划，老板见到便走近关心，“问下佢做得惯唔惯，有冇乜问题，又话有乜问题随时同佢讲之类”，离开前更拍拍新同事的肩膊鼓励：“睇好你啦！”
楼主对当日的情况见惯不怪，认为老板只是尽自己责任，循例关心新入职的员工，而所谓“睇好”也只是客套说话，“返开工都知呢啲嘢都只系吹下水，呃下班打工仔，唔可信嘅”。没料新同事却信以为真，“好似打咗针咁，成个人黐咗线。唔知话佢冇经验定太单纯好，佢信晒老板讲啲嘢，以为老板真系打算畀佢发围”。
他指，新同事获老板鼓励后，即加倍努力工作博取表现机会，更因而催逼其他同事，甚至其上司，“话要谂下点做点做，又推咗几个Project出嚟，唔够10分钟又问人点睇有乜意见咁”。楼主无奈表示，理解新同事初踏职场的确抱有热诚，不知应否向对方道出黑暗真相，“我都了解佢对‘返工’仲有期望系好事，但系都要认清现实，到底我提唔提佢好？提佢好似又打爆咗佢个希望”。
帖文引来一众打工仔讨论，不少人笑指新同事明显入世未深，才会轻易相信老板及落力工作，“团火好快熄，当佢发现老板其实唔知佢叫乜名的话”、“做多一两年佢就化㗎喇”。亦有网民认为，楼主作为前辈不应打击新同事，“有热诚系好事，你又无必要主动打沉佢，反而佢会觉得你系坏人。慢慢同佢倾，倾下佢啲project嘅可行性，等佢了解返自己处事嘅细致程度先啦”。
同场加映：阴阳眼同事称公司有鬼 阿姐淆底自此零OT 打工仔追问揭惊人真相
同场加映：港女闹爆男同事宁愿唔饮都唔肯换水 网民超有共鸣：自私无分男女