男友暴力掌掴转头氹返 港女被家暴仍想感化对方 网民：咪呃自己
暴力绝非解决问题或发泄情绪的方法，更何况对象是心爱的人？有港女于讨论区发文，指男友平日待她如珠如宝，将她放于首位，然而两人相处遇到争吵时，男友激动起来却会掌掴她，行为甚至愈来愈暴力。她深明男友日后仍有机会“再郁手”，却不舍对方，甚至希望感化男友。帖文引来网民热议，不少劝她尽快分手保护自己，“唔通你想俾佢打死先走？”。
“打完我又氹返我”，该名港女早前于Dcard讨论区发文，称与男友相识时，对方一直表现斯文，“但耐咗就开始现形”。她说男友激动时表现与平日截然不同，起初会“好大力捉我只手，每次都会捉到瘀晒”，后来愈来愈暴力，早前更因小事掌掴她，“但打完又氹返我，佢话唔系我发脾气佢都唔会打我”。
港女指，深明自己被打后仍接受对方绝对有问题，“试问边个女仔会接受到男朋友打佢？”，但想到平日与男友的相处却不舍得提分手。她说对方会将她放于首位，又愿意为她付出，“佢平时唔打我𠮶阵真系唔错，就算无钱都会畀我食先，又会煮饭我食，连啲碗都唔使我洗，话唔想未来老婆辛苦。每次我话想食咩佢几远都会买畀我，女仔都唔会望多眼”。
她直言面对这段关系时不知应如何选择，形容两人相处犹如“坐过山车”，“我唔会再信佢话佢唔再郁手，我知有第一次就会有落去”，同时却不舍男友，只好向网民诉苦及询问意见：“有时真系好攰，我到底可以点做？有无过来人感化到另一半？”
帖文引来网民热议，不少人纷纷留言劝楼主尽快分手，“对你几好都好，万一有一日佢控制唔住自己，发生意外，你有命享受呢啲好？介绍佢去精神科啦”、“理得佢平时几好，打就系打，分得。而家佢唔打算改，咁你留低做咩？继续俾人打？感化到你一早感化咗啦，唔好自己呃自己咁傻女，早走早着”、“打完氹就得啦？黐线，打妳𠮶下你就分得手，呢啲嘢唔可以开个头，开咗就要即刻结束”。
同场加映：恐怖男友疑女友出轨 偷入屋大报复 阿妈求情一句辣㷫受害女
同场加映：现实中恐怖情人10大特征