男友带2女同事返家食饭 女友未获通知大怒：佢唔明点解我咁嬲
情侣之间相处在乎信任，适时主动交代社交情况也是维持关系的其中1个方法。有港女于讨论区发文大呻，男友早前相约2名女旧同事食饭，当晚因下大雨，3人最终到男友家中用餐。港女其后得知事件，坦言本身已有点介意男友与异性食饭，而对方带女同事返家亦没有事先告诉她，大感愤怒遂与男友“闹大交”，直言：“佢到而家都唔明点解我要咁嬲！”
“接唔接受到另一半带异性朋友返屋企？”该名港女于Dcard讨论区发文，称男友日前相约2名旧同事晚饭，2人同为女性，“我本身都有少少介意，想男朋友叫多个男仔friend去，但男朋友话得佢哋3个特别fd，咁最后佢哋3个都系照约出嚟食饭”。
晚饭当日，港女指男友在未有事先“报告”下，带了2名女生返家用餐，“我知道咗就好唔开心，明明可以出街食，但点解偏偏要上屋企呢啲咁private（私人）嘅地方”。港女为此大发雷霆，男友则解释因当晚下大雨，而2名女同事也住在附近，才会选择返家食饭，“佢仲话佢两个fd都有男朋友，又有屋企人喺度，唔明带佢哋返屋企食餐饭有咩好嬲”。
港女指，她不满的原因并不是女同事跟男友返家，而是对方没有事先报备，认为事后才通知她的做法非常过分。她又认为2名女同事应懂得“避忌”，“点解3个人都可以认为咁样冇问题，唔需要去避嫌？成件事就系明明可以出街食，如果真系咁大雨嘅咪改期啰，真系有咁嘅需要上屋企食咩？”。她更称男友至今也不明白其生气的原因，只好向网民诉苦：“究竟系我太敏感定男朋友咁样系有问题？”
帖文引来大批女生留言讨论，不少人认同港女的说法，认为问题并不在于晚饭，而是男友没有主动避嫌，“我觉得如果问咗你或者讲咗畀你听先上，系完全无问题，自问平日都会单独去男仔屋企，但系一定会讲声先，感觉唔系几尊重你”、“真心觉得安全感呢样嘢系双向，男朋友如果成日冇交带又唔识同女仔避嫌，真系会好难受同好委屈”。
亦有网民认为，男女相处之间要保持适当自由度，如何维持安全感及社交自由是深奥的学问，“适当嘅自由度都应该畀返对方，而对方得到自由度既时候都应该畀返啲安全感另一半”、“感情相处唔系讲道理就得，呢个话题你哋要点样协调，真系唯有两个人摊出嚟倾，然后再慢慢磨合揾到个方法”。
▼▼同场加映：木独男友唔肯Staycation又唔识氹人 港女拍拖1年冇瘾：可以点搞▼▼
▼▼点击下图睇港女生大呻男友冇情趣▼▼
▼▼网民纷纷留言表示同情，大部份更直言楼主应该要趁早分手▼▼
▼▼同场加映：女神约食饭叫少男排队攞位 突带男友现身 网民：撕咗张飞咪益佢▼▼