朋友约食饭例牌早到叫晒𩠌食住等　港妈斥冇礼貌：好唔尊重人！

每个人对餐桌礼仪有不同要求，多人聚餐时容易惹争执。有港妈于讨论区发文，称与丈夫朋友一同聚餐时，对方经常早到，并会先落单“叫𩠌食先”，当她到达时部分食物已经几乎食完，令她大感不受尊重，直指对方无礼貌。

下载“香港01”App ，即睇城中热话

“大家接唔接受到，朋友约咗你食饭，但食先？”该名港妈于亲子王国讨论区发文，大呻丈夫定期约3至4名朋友聚餐，惟对方1个习惯每次也会令她不满。她指几名朋友都没有子女，每次约好食饭时间，即使她与丈夫准时到达，也会发现对方“已经点晒𩠌，食紧/食完”。

朋友之后也会提出食完再叫，但港妈指“根本佢哋叫嘅嘢，你冇可能食得完啰，即系佢哋已经叫晒，你冇say啦”。她直指部分𩠌菜“冻咗系唔好食”，而且朋友并无等待人齐才起筷，令她感到不被尊重，“觉得咁样冇冇貌，个个系外国读书返嚟，受过教育，我谂可能我将佢哋做人嘅标准也定得高一点”。

港妈强调，自己与丈夫一向准时，然而朋友们“例牌早到”并叫𩠌，坦言自己小气会介意，但丈夫似乎不觉有问题，“约几点，我就几点到，系我问老公点解次次食住等，佢先话‘佢哋份工早收，可能早到，叫住嘢食先’”，令她不禁询问网民意见。

不少网民看过帖文也认为应等待齐人才起筷，“唔系小朋友扭计闹肚饿，咁大个人当然等齐人先起筷啦”、“如果楼主你系准时，佢哋食先的确系冇礼貌，我会下次约之前同佢哋讲唔好太早到”。

亦有人认为早到者可先叫小食，但叫𩠌时应询问各人意见才决定，“如果小食可以接受，冇迟到或只迟几分钟或冇问就叫晒𩠌，有点唔礼貌”、“有人迟到就会叫一两碟小食食住先，准时到𠮶啲坐喺度等都会饿”、“叫一、两个食住等冇所谓，叫晒就麻麻，除非同我熟到知我钟意食咩”。

同场加映：食饭切忌食出声、坐顺风车坐前座　网民热议父母无教的礼貌行为

同场加映：咕噜肉、蒸肉饼　盘点网民20个最啱送饭𩠌菜　经典之最竟唔食得！