【男人最痛】月入2万5先好追女仔？ 网民：唔好嘥大家时间
从来男人的薪金，等同身份；住公屋还是私楼，也是见家长有否“鸡髀”接待的指标。由高登潮文的一句可见一斑“点解人哋有鸡髀食呀，因为住私楼啰，讲到尾，咪又系钱”。
现实就如高登名作《男人唔可以穷》，有网民近日在讨论区发文，“如果想追一个女仔，月入2万5真系好基本！”又指平日拍拖食饭已占5,000元，洗费庞大，又指“如果2万5都揾唔到，仲讲咩将来？”，惹来一众网民狠批。
拍拖食饭每月$5,000 男士返工食饭仅$1,500
有人话，男人一生，“只为寻觅一个肯同自己挨麦记嘅女人”。有网民近日就在香港讨论区发文指，“如果想追一个女仔，月入2万5真系好基本！”，帖文以女性角度出发，“我哋唔系咩十八廿二嘅妹妹仔，会谂结婚生仔、会谂买楼。”
更列出每月开支清单：
拍拖食饭 （$5,000）
男既返工食饭 （$1,500）
供楼 （$15,000）
储蓄/将来for仔女/男家家用 （$8,000）
以上开支，合共29,500元，但帖文却指“用最低标准计成条数，已经唔计话买车𠮶啲啦，都要唔止2万5呢个数”，又批评如果收入不足25,000元的男士，“仲讲咩将来？…唔好晒（嘥）大家时间啦！”。帖文一出，引起网民热议，并在社交网站疯传。但告别单身的入场费，门槛已这么高，有男士却支持说法。
识睇一定睇留言：
5000（拍拖食饭）又唔洗，3几千一定要啰！ 郁下就Simplylife, Pandora, Smile Yogurt，有几多个真系会同你挨m记？ 你穷个阵就揸干你，有钱个阵就共富贵啰！
【脱独有计】港男最忌搞烂gag、show off 前主播传授四招
【脱独有计】港女去Speed Dating 最忌功利及未放低前度
对于男士月入多少，何时买楼，何时结婚，一直都是讨论区常有帖文。而以上“月入2万5”的相关帖文，最早于年初时，已出现在高登讨论区，但当时讨论未见热烈，近日就有人将帖文转贴至香港讨论区，才引起热议。有网民为女士平反指，“平有平追，贵有贵追，有好多女仔系睇心多过睇金嘅。”也有人心水清，“如果有个悭钱嘅女朋友，月入几多应该唔系问题”。
统计处：男士每月工资中位数 $17,600
根据统计处最新一期每月工资中位数，男士平均月入17,600元，比女士的13,600元，高出4,000元。即使拥有大专学历，也需要30至39岁，才能超出网民所指的月入25,000元“追女仔”的门槛。
“我感觉我输了，但我觉得自己只不过是输给了金钱，而不是能力，我认为我只是失去了一个贪钱的女人，我还有我的事业。”
薛可正：“香港仲有好多肯挨的女仔！”
网络作家薛可正数年前著作《男人唔可以穷》，道出香港打工仔种种辛酸，他接受《香港01》访问时表示，“月入2万5仲要供楼，本身就系不设实际嘅事，会冇晒生活”。他亦不同意，需达至月入多少才能追女仔，“香港仲有好多肯挨的女仔”。
薛可正坦言，“呢一代年青人系辛苦嘅，唔好话揾两万五啦，就连两万蚊，都有段距离，但又申请唔到公屋”他建议，政府需要帮忙之外，年青人亦都要规划人生，才能不枉此行。