港女食意大利饭投诉“未煮熟”惹热议 网民爆笑：佢真系唔识㗎㖞
各地也有独特的饮食文化及特色，或许未必符合外国人的口味。有网民早前发文，指在1间多国菜餐厅点了一客“温泉蛋鳗鱼意大利饭”，惟上菜后发现“未煮熟”，即使要求侍应更换后“一样系生米”，只好分享“中伏”经历。帖文引来网民热议，不少人留言耻笑，指楼主“根本唔识食”、“想食软饭麻烦去返茶记啦”。
该女网民早前于facebook群组“中伏饮食报料区”发文，指早前到旺角朗豪坊1间多国菜餐厅食午餐，点了价值98元的“温泉蛋鳗鱼意大利饭”套餐，惟上菜后发现意大利饭仍未煮熟，饭的内层仍是白色生米，“睇相都睇到白色未熟嘅米，唔系反光”。
楼主称，当日下单点了2个一样的套餐，上菜时间相差约10分钟，但只有1碟出现“白色半生米”的情况，估计2碟意大利饭并非由同一厨师负责煮。她后来要求侍应更换，不过已换的意大利饭“都系一样系生米”，大感中伏后决定与网民分享，“唯一唔错系服务”。
事件引来网民热烈讨论，点击下图放大即睇网民点样讲！
帖文引来网民热议，不少人留言指证楼主，“意大利饭系半生个㖞，食落硬硬哋入面白白哋就啱，但意大利饭配鳗鱼是什么鬼”、“楼主未食过意大利饭？唔识可以问下人，米中间仲有白色先系正常”、“Risotto系咁，你去茶楼食粥食饭啦，学咩人食意大利饭”、“我以前做西餐遇唔少你呢啲客，真心建议去食粥会开心啲，今舖真系中咗你嘅伏”。
亦有网民质疑楼主的帖文是“曲线”，“呢个报料令我反而想去食，我伏咗好多次系熟晒”、“系咪曲线宣传嚟㗎？即系呢间有坚持正宗嘅意大利饭？”。有人则直接嘲笑，“Risotto嚟㖞，使唔使叫餐厅炒底呀？”、“佢真系唔识㗎㖞”、“Risotto唔系生米你估你食福建炒饭呀？”、“落order嘅时候有冇叫‘Well-done’呀？无就系你唔啱喇楼主”。
👇👇👇同场加映：餐厅点斋啡但要求“奶另上” 侍应搲晒头 人妻出PO反被嘲神逻辑👇👇👇
👇👇👇同场加映：一人一个澳牛贴心事👇👇👇
👇👇👇同场加映：台妈食饭花痴上身狂撩小鲜肉侍应 阿女ig惊揭“人生最狗血转折”👇👇👇