交友app约25岁清纯女网友 她1句港男晕大浪 被氹买$3万手袋中伏
网上交友要小心，一不留神随时中伏！有港男于讨论区分享惨痛经历，称3个月前于交友程式结识了1名港女，倾谈过程认为对方清纯“唔物质”，有意长期交往，故主动相约对方。不过见面当日，女方即带他到贵价日本餐厅，花了1500元食午饭，其后更提出“今晚可以陪你”，要求他购买价值3万元的手袋，最终却失联兼被封锁收场，令他直呼：“以后唔再上网沟港女！”
该名港男日前于香港讨论区发文，指现时已30岁，与前女友分手已1年多，希望“识个真心交往嘅女朋友”，故3个月前下载了交友程式，“开头喺app到hi下啲女，有啲都唔应我，有啲讲咗几句就无下文，有啲就一睇就知有目的交友”。
后来他结识到1名女生，“睇佢啲相又几清纯，几可爱，话自己系文员，25岁，就决定沟佢啦”。倾谈几日他发现与女方尚算投契，认为对方出身自公屋，而且收入不高，相信不会太过物质主义。楼主其后相约对方见面，发现真人与相片并无太大分别，更拒绝他送见面礼的建议，令他暗暗感到幸运，“我心谂今次执到宝啦！连香港仅余一千零一个唔物质女仔都俾我揾到”。
楼主中伏经过▼ ▼ ▼
然而事情并没有如楼主所想般发展，女生当日提议食日本菜，并带他到1间贵价日本餐厅食午餐，“佢起势咁叫，唔贵𠮶样都唔叫，一个中午饭用咗我1500蚊埋单”。当时楼主也以“可能佢对食有要求啫”的借口自我安慰，没料之后女生再带他到1间手袋专门店，“睇中一个手袋问我靓唔靓，我话‘几靓啊！’，佢竟然话刚才我话会送见面礼畀佢”。
他一看价钱牌，发现手袋价值3万元，“我就提议不如我上网买个畀你，都系差唔多，个时连个店员都忍唔住笑咗，之后佢拉我埋一边，话如果我买畀佢，今晚可以陪我”。他承认当刻“色心起”，逐签卡购入手袋送给对方，并订了当晚的酒店房。
可是到了酒店门口，女方电话突然响起，“佢拿起手机，话屋企人出咗事，要赶住返去，我立即拉住佢，我话都book咗房，成3千蚊晚，佢话今晚唔得，话会听日揾我”。楼主称，当晚最终独守酒店房，隔日更遭对方封锁，连对质机会也没有。他事后承认交友过程太心急，赔上了1个半月的薪金，但强调是真心想结识女友，“都怪自己贱格，色心起，又寂寞咗年几”。他又指如非现时到内地要隔离，早已到深圳酒吧结识女生，“如果过到关，我去深圳酒吧沟女啦”。
网民得知楼主经历纷纷表示他“唔抵帮”，直指网上交友陷阱多，一时心急便容易堕入骗局，“鬼叫你识咗人一日都冇就起色心”、“同人初相识无论去食嘢、买嘢都唔应该牵涉咁昂贵嘅价钱”、“所以咪话你衰咸湿啰，食饭食咁贵你都仲未知系咩料”。