将军澳大叔饮酒爆喊呻几个月无工开 港女心酸递纸巾赠几百蚊解困
撰文： 安祖娜
出版：更新：
新冠肺炎疫情爆发至今已1年，各行各业也大受打击，不少人甚至被迫停工。有将军澳街坊早前到寓所附近买食物时，看到1名正在路边饮酒的大叔突然大骂政府，表示自己已停工数个月，更情绪激动大哭起来。街坊见状感不忍，随即走近送上纸巾及数百元现金，“除咗咁我都唔知可以做啲咩”，慨叹手停口停的人是疫情下的最大受害者。
“一份稳阵嘅工对佢哋嚟讲，真系命根嚟。”该名居于将军澳的女街坊前晚（4日）于fb群组“将军澳主场”发文，称在寓所附近买食物后，于回家途中看见1名大叔正于路边饮酒。
或许受酒精影响，大叔突然“爆粗”大骂政府：“我几个月冇工开啦！你班食屎狗玩够未呀！系咪要逼到我去打劫绑架先畀我生存呀？你哋班X家X！”之后更伤心大哭起来，女街坊见状直言“心好悒”，遂“胆粗粗”走近，“畀咗身上几百蚊同埋递包纸巾畀佢，除咗咁我都唔知可以做啲咩，我就走咗”。
女街坊事后发文有感而发，指疫情下首当其冲的绝对是被迫停工、失去收入的一群，“人人都揾少咗，唉，但都唔够呢班人惨，唔好话发达，根本手停就口停，两餐都成问题，一份稳阵嘅工对佢哋嚟讲，真系命根嚟”，慨叹这民不聊生的情况成为了“香港哀歌”。
帖文引来不少网民讨论，有人大赞女街坊雪中送炭的举动，“你好有心喇，小小举动可能对佢嚟讲系好大鼓励”、“几百（元）对妳可能不算什么，但对一啲有需要嘅人真系好有用”。亦有网民认同街坊所言，直指被迫停工却要面对经济负担的人最受影响，“最惨系你无工开，无薪假，要交租供楼，人哋唔会因为你收入减少而收少啲”、“抗疫停市下，低下阶层冲击最大”。
同场加映更多好人好事：
即睇40年前好人好事点滴▼▼▼
+1
大埔女子跌钱感激日本城帮助找回▼▼▼
+4