阿仔买过百元礼物赠同学　港妈乜都冇唔开心诉苦：你哋会嬲仔女吗

【礼物／生日／家长】虽说爱不一定要以物质表达，不过间中送小礼物也是维持关系的好方法。有港妈早前于讨论区发文，指得知十多岁的儿子以零用钱购买过百元的礼物送给同学，想到儿子自小便没有送母亲节或生日礼物，不禁感到介意，直言“有啲唔开心”，同时却担心此举给人感觉“小气”，只好向网民诉苦。有网民安慰港妈，叫她别在意，“年轻人，重友情过于亲情，阿妈煲汤可以唔饮，朋友一叫立即出门”。

下载“香港01”App ，即睇城中热话：https://hk01.app.link/qIZYuEC5LO

有港妈于亲子王国讨论区以“你哋会嬲仔女吗”为题发文，指儿子今年13岁，每年母亲节或是她的生日，家人也会“一齐食饭同一齐吹蜡烛食下蛋糕”，因她知道儿子零用钱不多，即使儿子没有送上礼物也没有介意。不过儿子生日时，则会每年送上礼物，“由佢一岁生日开始我一定有礼物送畀佢，就算而家佢读中学，我送咩畀佢都会畀封大利是和同佢食饭庆祝㗎”。

不过早前港妈发现，儿子花了百多元零用钱，用作购买礼物送给同学庆祝生日，感到不是味儿，只好向网民大呻：“我嘅生日佢就无送畀我，我而家有啲唔开心，大家会觉得我小气吗？”她续说，自己小时候也会送小礼物给父母，“就算画一幅画都会㗎”，又称自己重视的是儿子的心意，“我都唔系想佢用钱买嘢畀我，其实佢亲手画一幅画或做一些小礼品畀我我都会好开心，想睇下佢有冇我心”。

不少网民都认为港妈毋须太过介怀，认为其儿子已十多岁，开始建立自己的社交圈子，送礼物只是表达情谊的行为，“十几岁细路哥的情谊，我自己都经历过”、“年轻人，重友情过于亲情，阿妈煲汤可以唔饮，朋友一叫立即出门，因为自己都年轻过”、“我唔会嬲㖞，我成日都叫个女唔使送嘢畀我，但如果朋友生日，我会叫佢买份好啲嘅礼物交畀人，呢啲系礼貌同心意”。

另有网民建议港妈可坦诚将感受告诉儿子，惟不应强逼儿子表达心意，“男仔可能唔够细心，咁你提下佢啦，讲笑咁讲同学仔都有，点解妈咪会冇生日礼物，等佢知你谂乜”、“开声要求仔女做嘢去讨好自己，唔系佢自己心意，我就觉得无意思”。

港妈其后指，事后曾向儿子表达，不过儿子似乎不懂回应，“刚刚同佢讲咗，佢无出声望住我”，令她不禁觉得失望，“我绝对系用心爱仔女的，我好多嘢都系为咗佢哋，但好似佢哋唔领我情咁，所以有啲伤心”。

【同场加映】港妈分享子女驳嘴金句　顶心杉句句呕血：冇我你又点会有母亲节▼▼▼

【同场加映】阿仔八达通被同学嘟400蚊　港妈向网民求救▼▼▼