女友拍拖食饭坚持唔畀钱 连登仔忧钱银问题致分手：佢话男人应份
香港地拍拖活动不外乎睇戏食饭，如一星期与伴侣见多几面，开支可能非常襟计。有连登网民日前发文，称与女友拍拖半年来，自己负责大部分日常开支。虽然女友也会送礼物或代为购买家居用品，惟对方坚持食饭不会付款，甚至称“男人应份帮女人畀食饭钱”，令楼主非常苦恼，更担心长远交往下去，日后结婚、买楼及生活开支也要由他独自负责，因而影响感情。
连登网民“_达文西西_”日前以“女友食饭完全唔肯畀钱”为题发文，指与女友拍拖约半年，感情尚算稳定，惟独有一件事令他不知如何处理。他指交往以来，平日外出的花费主要由他负责，女友间中也会买生活用品给他，外出食饭时女方坚持不肯付款，“佢极坚持一定唔会畀食饭钱，仲话男人应份帮女人畀食饭钱”。
楼主指，两人拍拖初期，他也有要求女友间中付款，或是分担开支，“但佢拒绝，理由系佢觉得自己值得一个帮佢畀晒钱嘅男人”。他续指，女友并非毫无付出，惟并非花费在日常生活上，“生日时礼物都送得几贵下，同请我食自助餐，佢唔系完全无出过任何钱，不过全部系间中不定期咁样。我都好多谢佢，不过觉得呢啲非必要同埋系日常生活之外”。
楼主直言，起初也不明白女友的想法，“我都系第一次听呢样嘢，值得有爱佢锡晒佢嘅男人就听得多，我谂佢意思系佢觉得请食饭喺佢心中一个好重要表达爱嘅指标”。他又担心，长此下去两人或会因钱银问题影响关系，又认为女友连食饭付款也不肯，日后连结婚、买楼及生活使费也要由他独自负责，“我只系想简简单单，例如食五餐佢请一餐，反而我唔祈求咩贵礼物。我同佢讲，间中请下我食早餐，平平哋都OK”。
网民看过帖文都劝楼主想清楚，一针见血地指出，“问自己唔好问人，你接唔接受到之后几十年都要对住个咁的人? 接受到咪得，接受唔到咪唔好浪费时间”、“你觉得自己系爱佢，佢又爱你，又值得每次都系你畀嘅，咪继续一齐。但其实你开得post，我谂你心中都有答案了”。楼主其后表示，暂未想到如何处理问题，但强调女友并非不愿付出或“收兵”，“佢都有拎个心出嚟嘅feel到，其他地方都有付出钱”。
得罪女友从来都不会有好日子过！早前有台湾一对情侣在街头上演闹剧，女方怒气冲冲爬上私家车顶，出尽力跳跃，并与男友持续对骂，引来不少路人围观，最后更惊动了警察到场调停，争执原因竟然与手机讯息有关。
同场加映：14巴港女再现？｜女子街头跨坐男子连续拳打 最后1个动作大逆转▼▼▼