重男轻女极端丨港女交四成人工家用 阿妈斥废物却要求帮细佬买楼
父母偏心能对子女造成极大影响！有网民日前投稿至facebook专页“生仔要考牌”分享个人经历，直指非常憎恨自己妈妈，因对方自小到大都偏心弟弟，甚至直认原因是她“唔系仔”。至长大后即使她缴四成薪金作家用，妈妈仍会斥责她是“废物”，但同时又会要求她帮弟弟买楼，令她非常生气及困扰。
“我真系好憎自己个阿妈！”该名女网民早前投稿发文，指妈妈于80年代偷渡来港，“无咩读书，所以冇咩知识”，但仍拒绝学习。于是很多生活小事仍未能自理，要楼主代劳，“嚟咗香港咁多年，地铁都仲未识搭，饭又唔识煮，水电煤都唔识交，好多嘢由细到大都系我去帮佢做”。楼主指曾尝试教妈妈擡车煮饭等，惟被对方拒绝，“跟住就唔听我讲自己乱嚟”，结果常常闯祸后要她善后，而妈妈获帮助后亦完全不觉有问题或感恩，反而斥责楼主是“废物”。
▼▼同场加映：曾有港女诉苦，暗示因外貌遭客人针对▼▼
虽然妈妈已是“极品”，但更令楼主生气的是其亲生弟弟，“佢先系废物中嘅废物，亦都系我呢个老母一手纵出嚟嘅产物”。楼主指，弟弟自小无心向学，功课也是妈妈威胁她代为完成，否则就会被打。弟弟中三辍学后便每日“喺屋企食饱就瞓瞓饱就食”，惟妈妈完全不介意，更指“唔紧要，阿妈养你”。
最终楼主弟弟现时30多岁仍一事无成，“只得啲低人工靠劳力嘅工作先肯请，仲每日摊大手板问阿妈攞钱”，而妈妈亦容许弟弟毋须缴交家用，甚至反给他零用钱。最近妈妈更要求楼主帮弟弟买楼上车，令她非常气愤：“黐孖筋，我自己都买唔起楼，仲要帮你个仔买楼？”
她续指，自小受家庭环境影响，一向“好识谂”会努力读书，大学毕业后亦找到不错的工作，可以养活自己，每月亦缴交四成薪金作为家用，同时也另外给予弟弟生活费，“（如果）唔畀我妈又不停嘈嘈嘈，仲试过攞刀斩我”。不过妈妈仍不满意，“阿妈好怕我有多余钱”，每每看到她买了新衣或新鞋便会大吵大闹，“话我有钱使都唔畀佢，而我因为要畀好多钱妈妈同细佬，我自己一直都储唔到钱”。
楼主大呻，过去曾平心静气与妈妈倾谈，惟次次说不够两句妈妈便会“反台”，“佢话我冇资格教佢做嘢，佢话只会当个仔系仔，系唔会理我感受”。她曾忍不住问妈妈为何讨厌自己，没料对方直接回答：“因为你唔系仔！”至于爸爸，楼主则形容是废柴，“睇住个女俾个老母咁对待，咁多年一粒声都唔敢出，仲叫我忍下忍下就一世，真系吹胀”。
近年楼主身体状况不佳，医生建议饮食要清淡，“但我妈煮饭继续重油盐糖，佢话唔会因为我改变，要食自己煮”。当她自己煮食时，又会发现买回来的食材无故消失，原来又是妈妈作怪，“话雪柜唔系俾我摆我买返嚟嘅𩠌，要摆自己买个雪柜返嚟。如果照佢咁讲，佢唔应该用冷气、雪柜、电视、风扇……因为全部都系我买”。
不少网民看过帖文均感惊讶，纷纷劝楼主直接搬走，过属于自己的生活，“唔需要愚孝，不值”、“佢唔当妳系女，妳一蚊都唔好再畀佢。妳欠佢嘅父母恩，多年来已经还清”、“你要负嘅责任已经好多年，乜都足够㗎喇，系时候要好好为自己打算，搬走啦！既然父母都唔识去爱你，咁不如有自己嘅生活好过”。