外佣无视门禁唔戴口罩玩天光 雇主嬲爆出警告信：我哋都唔敢聚会
新冠肺炎第3波持续肆虐，近日更接连有正等候转工的外佣确诊，涉及多间宿舍。有外佣雇主日前发文，大呻家中外佣于周日休假时到宿舍与多名同乡开庆生派对，更无视门禁玩天光。她又指从姐姐的相片可见，参加派对的外佣均没戴口罩，直言自己于疫情期间也不敢聚会，“都唔明佢哋点谂嘅”，最终生气得发警告信再大骂姐姐一顿。
该名雇主日前于facebook群组“外佣雇主必看新闻讯息”发文，指家中姐姐已经47岁，不过仍非常贪玩，周日休假外出常常也不理晚上10时门禁，迟过指定时间才回家。雇主指，早前外佣休假时，于晚上8时半才通知她会较迟回家，“我问佢点解，你知唔知出面好危险叫佢尽快返嚟，佢答我：‘Ok madam don’t worry I’m in the boarding house attend birthday（别担心，我正在宿舍与朋友庆生）”。
雇主指姐姐之后传相片给她，可见相中至少7个外佣聊天时均没戴口罩，“我唔知系咪未食完啦，但我见啲人倾紧偈，同埋张台冇嘢㗎啰”，直至晚上11时许，姐姐仍未回家，仅在电话表示“返紧嚟返紧嚟啦”。雇主说当时也“担心到瞓唔着”，打算等姐姐回家，后来睡着至凌晨4时醒来才发现姐姐仍未返家，“我打畀佢又唔听，我仲要返早，嬲到我瞓唔返，都系到我6:30就出门先打到畀佢”。
↓↓↓同场加映：之前亦有雇主投诉外佣放假期间与数十人上房开Party，全场没戴口罩饮酒狂欢劲歌热舞↓↓↓
姐姐清晨接电话时，表示正在乘的士回家，雇主气得大骂姐姐一顿并发了一封警告信。她指姐姐对于玩通宵一事“多多借口”，曾表示离开时港铁已停驶，又指宿舍“太嘈”听不到电话，惟均被她逐点击破，“到最后我要求𠵱个月唔好放假住，我畀埋人工你，最多畀你1-2个钟你倾电话听歌落楼下一阵都唔理你”，惟姐姐却以“楼下危险”拒绝，令她感到莫名其妙，“楼下就危险，你join birthday 就唔危险”。
雇主大呻，正值非常时期，自己也不敢与家人朋友聚餐，“我哋都唔敢聚会，都唔明佢哋点谂嘅，我哋只有返工同屋企，都唔敢带小朋友出街”。她续指曾要求姐姐改至平日放假，不过对方即时拒绝，指“放平日宁愿唔放，话平日冇得去宿舍同教会㖞”。
帖文引来一众外佣雇主热议，不少人认为楼主不应容忍，“真系好离谱，不能接受，通宵才返”、“咁嘅时势，请咗个唔听话嘅公主真系会激死你，你真系只有同佢好好沟通，再唔掂唯有炒”。亦有人提醒楼主，“佢真系好唔啱，但你都要小心处理，强迫佢唔放假佢可以告你”，对此她则表示“所以同佢讲唔好放假嘅时候，讲得小心啲啰，话都系为咗佢着想，而家出边好危险，我话等迟下疫情好啲嘅时候我帮你孖day”。