雇主惊见发霉橙放雪柜 呻外佣无主动清理 网民指姐姐咁做有原因
撰文： 安祖娜
出版：更新：
香港人出名忙碌，每日放工回家已非常劳累，不少人因而聘用外佣打理家头细务，希望减轻负担。不过有雇主日前发文，指在家中雪柜发现3个已发霉的橙，其中一个的发霉范围更接近一半，不禁大呻：“系我一直以为执雪柜呢啲基本嘢唔洗讲……”
该雇主周日（3日）于facebook群组“外佣雇主必看新闻讯息”发文，称趁姐姐放假，决定执拾一下雪柜，“睇有乜要补给”，没料竟发现一袋3个已放到发霉的橙。从楼主上载的相片可见，放在红胶袋内的3个橙表面均有明显发霉痕迹，而其中一个的橙的发霉范围更几乎达一半，看起来相当夸张，估计已放于雪柜内一段长时间才能造成。
雇主看到发霉橙感到非常无奈，不禁向网民大呻：“我一直以为执雪柜呢啲基本嘢唔洗讲……”帖文引来一众外佣雇主热议，有人感同身受，称自己在家常遇同一情况，“Same here! 姐姐每次放假我清洁时都有惊喜”、“佢哋大部分都唔理，我自己一个星期执一次，怕佢畀咗壊嘅嘢小朋友食”、“我姐姐都系咁，就算同佢讲，如放咗好耐嘅食物提一提我，佢都唔会提，唔知系咪惊我叫佢煮”。
亦有网民认为姐姐并非故意不理雇主命令或偷懒，而是怕清理食物后反被雇主责怪，甚至怀疑自己偷食或调包，“姐姐点敢乱掉嘢呀，一阵你话系风水橙佢咪濑野。你唔食嘅就自己掉，我觉得好正常”、“我次次去亚嫲屋企都要帮佢清雪柜，工人姐姐话佢唔敢掉，亚嫲会闹佢同话佢偷食”、“呢啲自己都有责任去睇，可能买返嚟佢又唔会自己拎嚟食，屋企咁多嘢要做，都未必日日Check住个橙烂咗未，好多嘢唔系一味指意晒个姐姐”。
外佣姐姐的厨房怪事多箩箩，令不少雇主好气又笑！