称确诊病人要求多多动辄投诉　前线护士轰：好似全港医护欠咗你咁

新型冠状病毒肺炎（COVID-19）疫情仍未受控，前线医护疲于奔命工作，承受极大压力。继有自称为Dirty Team成员的医生发文批评确诊病人不合作，再有自称前线护士于facebook投稿，大呻有确诊病人“当自己系皇帝”，要求于医院叫外卖，转住单人房等等，如不获回应即要胁投诉，令楼主不禁怒斥：“唔系唔可以有要求，而系所有要求都要合理先得㗎！得闲无事就揾医护人员来发泄，乜咁样做系啱嘅咩？”

下载“香港01”App ，即睇城中热话：https://hk01.app.link/qIZYuEC5LO

该名自称于dirty team工作已一个月的前线护士昨投稿至fb专页“HA Secrets”，直指疫情爆发以来，“最辛苦嘅并唔系工时长、冇得返屋企、又或者要担心PPE唔够，而系要我对住一班当自己系皇帝嘅病人”。她说明白确诊病人面对不少限制，亦要接受隔离治疗，未能让亲友探访，但直言这并非呼喝医护人员的借口，“冇人想病，亦都冇人想入院，入得院的话只要你愿意配合，其实所有嘅嘢并唔系想像中咁差”。

楼主称，有部分病人住院时要求多多，一时要求住进单人房，一时又指医院的食物“唔啱食”而要求叫外卖，完全不配合治疗，“总之医护人员做嘅所有嘢都系错，好似全香港医护人员欠咗你咁样”。楼主指，有病人不时于病房内发脾气，一时要胁要找院长，一时又扬言向传媒投诉，“大佬，我系咪前世欠咗你，定系我系你杀父仇人？使唔使一路医病一路做spa再叹番杯香槟呀”。

楼主忍无可忍，直指于公立医院治疗并不代表不能有要求，不过要求必须合理，批评部分无礼貌的病人行为过分，“得闲无事就揾医护人员来发泄，乜咁样做系啱嘅咩？如果连咁基本嘅礼貌都冇，我真系唔知你哋嘅父母点样教导你”。

帖文引来网民疯传，不少人指如楼主所言属实，相关病人行为是十分自私，“自己唔乖，只顾个人享乐搞到中招，已经系对社会不负责任嘅表现，仲要诸多要求”、“的确有好多自私鬼，又要五星级服务，不知所谓”。亦有网民留言为前线医护打气，“辛苦晒医护，知道你地一路都尽心尽力”、“没有教养的人太多，自私自利，辛苦晒护人员”。

同场加映：处理抗疫负面情绪小贴士