生活百科｜春天地板潮湿出水易跣亲　装修佬教你5大法宝保持干燥

文：装修佬一年中，最麻烦嘅春天已经来临，又要过衫唔识干、地下长期湿漉漉嘅日子喇，可能好多朋友会选择少洗衫、拖地来解决，但逃避唔系办法，以下装修佬同大家分享地板嘅防潮技巧。

↓↓↓ 图解地板防潮方法 ↓↓↓

盐水拖地

用大概40度嘅暖水加一羹盐，搅拌到盐充分溶解后，就可以开始拖地，但尽量拧干咁拖。点解热盐水能有咁嘅神奇功效呢？因为液体挥发速度同温度有关，温度越高，挥发速度越快，用暖水拖地，地板自然就会干得快。而且食盐中嘅氯化镁同氯化钙吸水，喺地板干燥后又会变成微小颗粒，可以延长地面干燥时间。

用抹布抹地

建议用浸湿后拧干至不滴水嘅抹布清洁为好，抹过地板后在潮湿天气之下唔可以开窗，否则地板会变得更湿，可用干布再抹一次，然后开冷气机除湿。

正确开窗通风

很多朋友为咗防止水气进入，一日到黑都紧闭门窗，认为只要隔绝室外空气嘅接触就可以有效防潮，但事实上，空气中嘅水分会从厨房厕所同空隙渗入，关闭门窗唔单止无防潮作用，反而容易滋生细菌，危害人体健康。每日朝早同夜晚，这两段时间空气湿度最高，而下昼时候相对干燥，应喺呢段短暂开窗通风，等瓷砖晒太阳透气，加速水分蒸发，从而达到除湿效果。

生石灰防潮

生石灰系一种极好嘅干燥剂，佢能够吸收空气中嘅水气变成氢氧化钙，令室内空气保持干燥。可买块状生石灰放喺纸皮箱内，放喺床下或角落，有助于吸收空气中嘅湿气。同时应关闭主要门窗，只开几扇窗透气，咁样吸湿效果更好，生石灰吸湿之后会出现溶化现象，要及时更换。

铺旧报纸

当潮湿回南天来临，除咗关闭屋企门窗外，喺大门、厕所、厨房门口嘅地上铺旧报纸可以吸湿，而旧报纸湿后，仲可以当抹布用，吸水力特别强。

读者如有查询，欢迎向“装修佬”fb留言或私讯，装修佬将会继续撰文问解答大家疑问：https://www.facebook.com/hkdecoman

↓↓↓即睇衣柜防霉方法 ↓↓↓

↓↓↓ 图解墙身除霉方法 ↓↓↓

作者简介：

装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）