新冠肺炎｜家居长效消毒可考虑光触媒　装修佬教你点用兼讲解优点

文：装修佬
好多人都问家居针对病毒既防疫有咩可做。手就洗啦，手机就抹啦，去水喉就注水啦，呢啲大家都知。同时，市面上亦有唔少针对家居清洁消毒嘅喷剂，声称可以杀灭冠状病毒。究竟有冇效同值唔值得做？

下载“香港01”App ，即睇城中热话：https://hk01.app.link/qIZYuEC5LO

首先，冠状病毒系难医，唔系难杀。有啲产品可以做到消毒，一啲都唔出奇。但我哋装修吧系唔会净系用呢啲产品去做室内消毒，点解呢？因为太贵啦！每次消毒两、三千，每星期做两次，活动前后又做两次，每月就4至5万蚊。其实可以有一劳永逸既方案。根据医管局临床研究，对应可见光嘅光触媒系可以做到大幅减低病毒感染率既效果。只要有可见光、同埋个涂层唔甩，就可以生效。

光触媒可以DIY自己喷、亦可以找专业人士用专业嘅喷枪去喷，会更加黐得实净（确保持久有效）、均匀。呢啲喷剂嘅价钱，同一次性24小时有效嘅消毒喷剂相差无几，但就可以令室内环境有一个持久有效嘅保障。

咁你问：点解仲要一次性消毒？因为测试报告同消毒一个环境系两回事，实验室嘅平面测验唔使处理空气中浮动嘅病源，所以即使报告写99.99%消毒，实际上在单位施工后，降低感染的效果亦只系5至6成，所以当遇到需要彻底消毒嘅事故，系需要多管齐下。但无论如何，都比一次性的消毒有效和实惠得多，绝对值得大家认识。

↓↓↓　装修佬教你清洗隔气　↓↓↓

↓↓↓　使用玻璃胶注意事项　↓↓↓

作者简介：

装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）