【卫生冷知识】5大细菌、流感温床　你中咗几多个？

“眼不见为干净”，其实细到肉眼睇唔到嘅致病细菌同病毒都系无处不在，唔单只大家心中有数嘅公众物件或公共设施，令你放底戒心嘅私人物件其实仲高危，累积嘅细菌或病毒可以多过厕板！遇到流感季节，流感病毒又会随飞沫散落四周。想要彻底同细菌和流感病毒绝缘，就要留意以下5大高危细菌温床！

细菌温床1：公众设施门柄或扶手、公众交通工具扶手

呢啲公共设施虽然有定期清洁，但始终用多过抹，遇著上一手用过嘅人有伤风感冒，流感病毒话咁易就传开去。一项有关公众电梯扶手细菌量嘅调查指出，扶手平均菌数接近1,000CFU（菌落形成单位），同家用厕板细菌含量1,200 CFU差唔多，污糟程度可想而知。

细菌温床2：干手机

去完厕所洗手系常识吧！但唔讲你唔知，洗手后用干手机，反而愈吹愈污糟？美国大学早前嘅一项研究证实干手机嘅高速风力会将厕所周围嘅恶菌，如金黄葡萄球菌吹到双手，好容易引起疾病，下次洗完手都系抹干双手稳阵啲。

细菌温床3：键盘、公司电话

香港人每星期工作50小时，年均工时2,296，咁啱遇著一个同事病又唔戴口罩，坐喺九宫格内嘅同事就好容易中招。最惨系佢唔觉意接触到其他同事嘅键盘、滑鼠，或者借用同事嘅公司电话，病毒、细菌就咁传开去，真系多得呢啲同事唔少。

细菌温床4：手机

手机不离手系都市人通病，食住玩、做住用都事小，最弊系连去厕所都系机不离手。英国有研究验出部分手机含超过千种微生物，当中竟然包括大肠杆菌及金黄葡萄球菌……即系便便，唔洗问梗系喺厕所惹返嚟。

细菌温床5：双手

每逢打乞嚏、咳都好自然用双手掩住，细菌及病毒会沾满双手。遇到流感高峰期，双手更会沾满流感病毒，无彻底清洁嘅话，随时会传染畀身边嘅人。

想要时刻保持清洁，随身携带消毒搓手液、消毒湿纸巾或经实验证明可杀灭病毒、细菌的干纸巾，咁就放心啦！

（以上资料由Zenses提供）