【生活百科】中性、酸性玻璃胶有分别　装修新手DIY前必睇！

文：装修佬
玻璃胶系建筑、家居维修经常会用到嘅密封胶，有封边功能，可以防止水份渗入物件内部。近年家居DIY维修越来越普及，唔少户主都开始接触到唔同种类嘅玻璃胶喇，而DIY新手对玻璃胶最常见嘅疑问就一定系应该选用中性玻璃胶，定系酸性玻璃胶比较好喇！事不宜迟，一齐去文了解吓啦！

下载“香港01”App ，即睇城中热话：https://hk01.app.link/qIZYuEC5LO

酸性玻璃胶 

当酸性玻璃胶开始固化嘅时候会释放出醋酸，所以使用后嘅空间都会充斥住一阵阵酸味。酸性玻璃胶带有腐蚀性，并唔太适合用喺金属表面，而且亦会令天然石材褪色；但系酸性玻璃胶嘅黏力强、固化速度快，适合用于厨房、浴室位置。

中性玻璃胶 

中性玻璃胶开始固化时唔会释放醋酸，而会释放酒精，用后嘅空间基本上系唔会有难闻气味。由于中性玻璃胶冇腐蚀性，因此会适用于大部份表面，塑料层压板、橡胶、不锈钢、混凝土以及灌浆等等材料都适用；另外中性玻璃胶嘅附著力以及耐候性都较好，适合用于大部份空间。 

↓↓↓ 一睇即学！DIY换锁其实唔难！ ↓↓↓

装修佬总结

其实酸性玻璃胶以及中性玻璃胶两者都系装修、维修不可或缺嘅密封胶，虽然中性玻璃胶嘅固化速度较慢，但依家都有厂商推出速干系列，弥补不足；而除咗速干系列之外，仲有防霉配方，令中性玻璃胶更加全面，照顾到唔同需要 ! 但最后都要补充一句，由于酸性、中性玻璃胶嘅用途都有差别，喺DIY维修时，就记得要根据实际情况而去选用合适嘅密封胶喇 !  

↓↓↓ 一睇即学！DIY修补墙身其实唔难！ ↓↓↓

作者简介：

装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）

《01热话》设有“生活百科”栏目助大家解决日常生活疑难，如读者在家居装修、电器保养使用各方面有疑问，欢迎私讯到“01热话”facebook专页或电邮至：hotpicks@hk01.com，如有需要，将会邀请专家解答。