【生活百科】家居落地玻璃助采光　注意装唔啱反坏风水损健康

文：装修佬
落地玻璃窗美观、实用，令身在其中者感受周围风景，可以有更好嘅视觉效果、增加室内采光等好处，但唔讲唔知，原来美观实用嘅落地窗竟然会存在隐患？究竟系点？装修佬话你知！

下载“香港01”App ，即睇城中热话：https://hk01.app.link/qIZYuEC5LO

露台落地玻璃易冇安全感 

现时好多楼盘将睡房、客厅同露台连埋一齐，咁样一来，会增强空间感同采光度更好。而为咗突显出可以更好欣赏到风景效果，唔少楼盘会将露台做成直立嘅落地玻璃窗， 如果咁样，好容易令人感觉脚下虚空。加上楼层高嘅话，会对畏高人士造成困扰，同时俾人感觉毫无遮拦、无私隐度。 

睡房采光不宜大开大合 

同样嘅问题喺睡房存在。喺中国哲学里，将阴阳谐调称之为最优环境。而于睡房内如果使用落地玻璃窗时，当拉开窗帘，太阳光直射入睡房时，就会形成光煞，而平时拉上窗帘又会觉得太阴暗，呢种情形可能会导致夫妻不合，因睡房要有平衡光线，先会令夫妻感情和谐。

喺有啲建筑居室入面，虽然落地玻璃下有大约几十公分高嘅墙脚，但同样系采光部份过大，都会有同样问题。所以，睇楼嘅时候要留意，落地玻璃窗嘅面积唔可以过大，但又唔可以太细，以免影响适度通风同采光。

玻璃窗多易反光引起光污染 

现时好多写字楼为咗体现现代感，将外观做成玻璃窗形式。呢种设计虽然望落很型，不过一旦遇到太阳光强烈嘅日子，呢啲玻璃嘅反光就会成为大问题。附近住户生活休息受到影响姑且不论，反光令人感觉不适。而且，呢种玻璃窗镜面效果会搅乱环境气场，久而久之，对人嘅精神健康不利。 

遮风挡雨还需坚硬实净之物 

呢种格局犯咗传统堪舆学中嘅割脚煞，现代堪舆学将空、低称之为水，遇到刮风落雨时，就靠玻璃抵挡，而如果仅靠玻璃挡风雨，令人感觉唔踏实，大有风雨飘曳危机感。唔单止会影响财运，同时有损身体健康。

装修佬温馨提示 

美观实用嘅落地窗颇受大家喜爱，以上所讲嘅隐患其实可以避免。例如，喺落地窗前摆放绿色植物，增加一定距离、加装防盗网、窗纱、安全护栏，系玻璃上黐玻璃纸，既增加私隐度嘅同时又唔影响室内采光。

作者简介：

装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）