打工仔丧假后上班　放饭买珍珠奶茶被上司质疑：唔知攞假系咪真话

亲人过身，打工仔无可避免要请假打点身后事，但一上班就听到上司的刻薄说话，心情难免更受打击。有网民日前投稿至facebook专页“奴工处”指，有同事因亲人过身要请假，复工那天买了杯珍珠奶茶却被上司暗讽：“有心情买珍珠奶茶，都唔知你之前攞假系唔系讲真话。”
帖文引来网民热议，不少人批评上司凉薄“冇人性”，亦有人曲线抽水“亲戚过身应该唔开心到不吃不喝一个月”；有网民则分享类似经历，称亲人离世都被上司或人事部暗寸。

下载“香港01”App ，即睇城中热话：https://hk01.app.link/qIZYuEC5LO

facebook专页“奴工处”近日刊登一篇投稿，指有同事的爷爷刚过身，要请假处理其身后事，直到他复工上班时，因在午饭时间买了珍珠奶茶回公司，竟被上司暗讽：“有心情买珍珠奶茶，都唔知你之前攞假系唔系讲真话……”令在旁默默工作的楼主都呆了。

帖文引来网民热烈回应，不少人都批评上司说话没有逻辑，“阿爷死左=唔可以饮珍珠奶茶？”，“你想我喺公司丧喊返七七四十九日先？”。另有人嘲讽指“请问边个乡下习俗系屋企有人过身唔饮得珍珠奶茶呀？”，“畀我即刻问佢咁你家人过身你会唔会仲食饭”。

有网民则分享自己的类似经历，“我以前妈咪死后，我的dept head（部门上司）话我脚头唔好，叫我自己辞职”；亦有网民的家人弥留之际，上司竟说：“我估你都唔使睇成日，探病时间去到8:00，你到时9点返嚟未得啰！反正你喺医院都做唔到啲乜”。

（fb专页“奴工处”）