【生活百科】洁癖人士注意！　一文睇晒4招减少家居尘埃积聚

文：装修佬
日常生活中，无论你再勤力打扫屋企都好，尘埃都依然存在。有阵时冇打扫一两个星期，尘埃更加可以积到几吋厚！原来尘埃容易积聚，好可能系同生活习惯同埋所用嘅日用品有关，想知道点样有效减少家居尘埃问题，就要睇睇以下内容喇 !

下载“香港01”App ，即睇城中热话：https://hk01.app.link/qIZYuEC5LO

电器唔好用待机模式

当电器喺待机模式嘅时候，其实仲系带电，带电嘅电器系会吸引尘埃（例如最常用到待机模式嘅就系电视机喇）。当电器未有需要用嘅时候，最好就将电源完全切断，咁就有效减少电器表面尘埃嘅积聚喇！

番到屋企立即除鞋换衫

经过漫长嘅一日之后，衫裤同鞋都会黐满大量尘埃，如果返到屋企唔即时换睡衣、唔除鞋就周屋走嘅话，就会抹极都仲系一屋尘喇 !

减少使用针织物料

屋企嘅针织物料物品，例如系窗帘、被铺、布梳化等等都好容易令尘埃积聚。只要减少使用一些不必要嘅针织物料，例如系选用皮梳化就可以避免尘埃堆积。加上定期清洗床单、被铺同埋窗帘等物品，都能够减少尘埃㗎 ! 如果唔能够清洗嘅物料，例如系布梳化等，亦都要经常吸尘、打扫一下呀！

善用收纳箱

报纸杂志其实系好黐尘，而且唔容易清洁；所以如果大家钟意睇报纸杂志嘅话，最好就用有盖嘅收纳箱整理好报纸杂志，咁样就无咁容易积尘而且方便日后打扫喇 !

作者简介：
装修佬是家居装修奇难杂症专家，希望透过文章分享及网上互动，解答巿民各式装修难题，改变大众对装修方式和置家理念。

作者facebook专页：https://www.facebook.com/hkdecoman/

（文章标题由《香港01》编辑所拟。文章纯属作者意见，不代表《香港01》立场。）