新抱狂数奶奶啰唆　斥对方撞聋无脑　网民闹爆：只见到你无家教！

所谓“相见好，同住难”，不少婆媳纠纷都因同住而生！有女网民早前向facebook专页投稿，力数同住奶奶啰唆兼无脑，直指对方经常问东问西，令她感到相当困扰及“恶顶”。帖文引起网民热议，但大部分人均认为楼主奶奶并无问题，反批评楼主“无礼貌、无家教、无耐性”。

下载“香港01”App ，即睇城中热话：https://hk01.app.link/qIZYuEC5LO

该名女网民早前向fb专页“同住奶奶好恶顶”投稿，称同住奶奶“成日对我做啲令我反感事情”，而其“愚孝子”丈夫却未有帮忙反映，令她只能忍受。楼主举例，难以忍受奶奶的啰唆，直指对方“把口就好似无咗个关闭掣一样”，并举出多个奶奶的“长气”及“无脑”例子。

楼主表示，每当放假不用上班时，奶奶都会问她何时上班，为何能放假等，令她烦厌，“咩叫点解？你自己问我老板吧”。下班回家时，奶奶只见到她进门时，又会问儿子何时回来，楼主指奶奶“又唔知自己撞聋，明明坐隔离都会听唔到，真唔知佢系真听唔到还是惯性第一句一定系：咩话？”

新抱炮轰同住奶奶“多嘢问”事例

此外，楼主指有时与丈夫约朋友外出都会预先通知奶奶，不过一出门，奶奶总会追问：“去边度食呀？去食咩呀？同边个食呀？”令她讨厌得直指“你又无份去，去边度？食乜嘢？同边个食关你鬼事？”楼主又说，连丈夫亦曾试过因不想回应奶奶而恶言相向，直指对方发问的问题“低能”。

楼主指，自己“尽量唔同佢（奶奶）同台食饭，费事问埋啲废话”。她又提到，每朝出门上班前，奶奶总会问她有否带齐物品，“好似扫x-ray咁，问你带咗呢样未？带咗𠮶样未？要逐样答哂先出得门口”，形容每次回答时都感到很麻烦，“佢自己无脑就唔好当所有人都无脑，讲紧我几十岁人，死就一世唔死就大半世，咁简单的唔需要你提”。

帖文一出即引起热议，不过大多数网民这次却是闹爆新抱撑奶奶，批评楼主“无礼貌无耐性品德差”，认为其奶奶问问题只是出于关心，并无任何麻烦成分，“我见到嘅只系普通嘅一啲闲话家常对答，睇唔出到底有啲乜嘢咁烦”，“你奶奶系多嘢问但完全睇唔出有恶意，反而做新抱嘅你就非常无礼貌，态度差，完全唔尊重长辈”。

网民又批评楼主及丈夫未有珍惜奶奶的付出，认为她是无理取闹，“奶奶又要畀地方你住，又要煮埋你饭，都唔知使唔使帮你洗埋衣拖地执屋，仲要睇埋你面色。问多句都嫌佢烦，咁你2公婆自己搬出去住啰”，“奶奶可能系烦啲，但煮饭畀你地已经好好，无感恩心又嫌三嫌四，你自己都唔会幸福”。

（fb专页“同住奶奶好恶顶”）