【金句集合】《前度》大好评 重温黄子华进化论
黄子华与陈法拉的舞台剧《前度》七一开锣，前后加场两次，公演35场。票价最贵880元，粉丝兴致不减，“扑飞”反应热烈。《香港01》记者向“黄牛党”查询，原价380元票价售700元、480元售850元。《前度》首场观众对子华挑战舞台剧赞不绝口，而且与过去栋笃笑一样，《前度》剧本涉及本港多个社会议题，有演技也有深度。在子华新“金句”诞生之前，《香港01》整理“子华神”进化过程，让大家齐齐重温这些70、80、90后都有共鸣经典语录。
97前的黄子华
八年前，我加入娱乐圈嘅时候，我系矢志要做一个演员嘅，我天生出嚟就系有演戏嘅细胞。我知道呢度好多人，细细个钟意玩做戏扮吓嘢，扮吓爸爸妈妈，扮吓结婚的。我细细个同啲friends唔扮呢啲嘢，我哋一扮就扮奸夫淫妇。
1990年《娱乐圈血泪史》 ── 可是子华的个人辛酸史。在加拿大取得哲学学士学位后，子华一心想成为演员，惟事与愿违，先后做过电台DJ、代课老师、编剧等。子华在首部栋笃笑中，道出这些年头笑中有泪的经历。
点解爱情系一件咁困难嘅事呢？ 因为好多人以为爱情系 part-time ......你唔可以话，爱？做完咪走啰！唔得㗎，爱情系咩？ 爱情系一档生意嚟㗎。
1991年《色情家庭》 ── 子华父母早年离异，自幼思考爱情的真谛。当时30岁的子华，在这部栋笃笑中回顾幼时的家庭点滴，反思爱情、性、家庭关系的意义。子华曾在一个访问中说过：“今次主题系性和爱本质上嘅难以掌握，点解爱系咁困难，令人成日咁困扰？”
我好细个就已经明白，无论你玩紧乜嘢，无论有几好玩，好快就玩完，最紧要系玩完之后，跟住去边度？
1992年《跟住去边度？》 ── 子华在这次栋笃笑中谈及过家庭、个人成长、娱乐圈的现实、政治等话题。子华曾自认是无使命感的人，为什么会涉猎政治问题？他说：“问我点解咁做？我都唔知，呢啲系创作嘅冲动，等于我点解饮好立克，点解钟意女人一样。”大概每人在成长中都会迷惘。
共产党算系咁啦，明知道中国系自己嘅家族生意，但系又知道你哋好鬼想做股东。于是就时不时搞个摸拟嘅股东大会——人大会议，等你哋去举下手过下股东瘾。但系我知道，咁样仍然满足唔到𠮶啲民运嘅人士，佢哋一定要做真正嘅股东。
1994年《末世财神》 ── 当时社会对中国充满戒心，担心回归后，内地的共产主义会影响香港的经济发展。子华用“末世”形容这种恐惧，却又用“财神”来描绘内地庞大市场的机遇，可谓是神来之笔。
我承认爱情是同卡拉OK咁上下……依家啲人玩爱情玩到跳楼，即系啲人唱卡拉OK唱唱下冲出去跳楼一样！痴线咩下话？
1995年《玩无可玩》 ── 子华一改独自表演“栋笃笑”惯例，改为与张达明共同演出，用“玩”为主题，表达港人以“玩”对待工作、爱情、理想、政治的态度。
“全港市民热烈庆祝回归”十只字，有八只字系呃人嘅，系得返“回归”两只字系真嘅。
1997年《秋前算账》 ── 香港即将回归中国，移民潮出现，有人担心回归后中共会对港人“秋后算账”。子华赶在回归前，趁“最后机会”大谈对中国大陆、香港未来的看法，当中不少金句一矢中的，被视为栋笃笑生涯中的其中一个经典。
97后的黄子华
我哋生存嘅时候，大家唔好妄想我哋会变得咁聪明，我哋一日唔死一日都傻傻地，即系可能生存根本注定咗一个“拾下拾下”嘅过程。
1999年《拾下拾下拾年栋笃笑》 ── 香港回归，马照跑、舞照跳，却又适逢金融风暴。子华在栋笃笑舞台的第十个年头，谈到人生意义和死亡，金句甚多，例如：“揾食啫！犯法呀？”“男人系爱情里面最重要嘅要求就系‘新鲜’！而女人对爱情最大嘅要求就系‘保鲜’！”
我觉得一个特首要连任，其实唔使搞咁多嘢，特首要连任系好简单一件事，你就唔带保镖，能够一个人行入一个大型嘅屋邨，行返出嚟，你就连任㗎啦。
2003年 《冇炭用》 ── 2003年香港SARS爆发、经济低迷、还要抗衡23条立法，自杀率为回归后最高。社会气氛一片哀愁，栋笃笑名称玩黑色幽默，因太多人变成负资产，无钱买炭，想自杀都无冇炭用。
人类嘅食物链，只系分为三层，最底层系无产，中层是中产，顶层冚家产。
2006年《儿童不宜》 ── 香港经济逐渐走出03年后低谷，但当年因通缩而饱受压榨的打工仔，并没有分享到经济成果，大企业则开始“赚到尽”。在这部栋笃笑中，子华针对了打工仔心态、贫富悬殊等问题，嘲弄一番。
近10年的黄子华
系咁㗎啦， 好出奇呀？ 你几时会发觉“好出奇呀”同埋“系咁㗎啦”真正嘅威力？ 就系当有一个不幸降临到你自己身上。
2007年《越大镬坏快乐》 ── 子华在无线节目《志云饭局》中讲到栋笃笑主题：“我觉得系最好嘅人生态度，越大镬越快乐，因为人生一定会有啲大镬嘢发生。”是苦中作乐还甘于自虐？香港现时还需要这种态度吗？
乜嘢叫做天真？真正嘅天真，系当你相信艺人形象，就系𠮶个艺人，呢个叫做天真。
2009年《哗众取宠》── 互联网普及，人类生活迎来巨大转变。子华在楝笃笑中提及，每个时代都有新事物出现，因此亦会有新问题，“我哋唔可以要啲新嘅好处唔要啲新嘅问题。只能够鼓励啲新嘅问题比较有幽默感”。
做人有梦想喺几咁紧要，如果你喺冇梦想嘅话，你就会俾啲有梦想嘅迫死你！
2010年《娱乐圈血肉史2》 ── 子华当初梦想做演员，但做栋笃笑一做就做了20年。虽然做栋笃笑很成功，但对子华来说，或者更需要新挑战。
做人无公关，食屎㗎喇！
2012年《洗燥》 ── 子华曾解释，“洗”与“燥”两字，一个水字部，一个火字部，相克相冲。子华当时是否已感受到，社会中的深层次矛盾？
掟咗87枚催泪弹，梁振英走出来话：“警方系用咗适当嘅武力。”然后叶刘淑仪又出嚟讲：“啲人有武器㗎，有把遮㖞！”我唔知啲高官系点谂，唔系与民为善嘅咩？
2014年《唔黐线唔正常》 ── 看着香港由亲切变成荒诞，子华再也笑不出来：“香港由一个我认识嘅香港，发展今日咁嘅香港，我点能够说一个香港嘅故事，再做一次栋笃笑，喺一个咁嘅状况，我谂好多嘢已经笑唔出，唔知点笑。”
（全文完）