港女怨跟男友妈同居难相处　网民批世界级公主病：放生人哋个仔啦

相见好同住难，还要跟另一半的家人同一屋簷下共处，难免会有磨擦。有香港女网民投稿至instagram帐号“couple.murmur”，指最近搬到拍拖5年的男友家中同居，亦已计划结婚，但跟未来奶奶相处成了最大问题，例如晚上吹头会被要求把风速弄小一点、伯母煲的凉茶“饮唔落”等。不过，网民不但不同情，更批评楼主是“极品港女”，又指“个奶奶咁好都嫌三嫌四”，着对方男友千万不要娶她。

下载“香港01”App ，即睇城中热话：https://hk01.app.link/qIZYuEC5LO

Instagram帐号“couple.murmur”昨日（23日）贴出一名女网民的投稿，指自己和男朋友拍拖5年，最近搬到他家中同居，并计划结婚。她在帖文开首写道，“我本身无歧视住公屋嘅人，虽然我都上过去佢屋企食饭无数次，但住落真心觉得好污糟啰！”

她指最大问题是与“未来奶奶”的相处，包括自己不时出夜街，约凌晨一时多才回家洗澡梳洗，伯母则叫男友向楼主说，“可唔可以吹头唔好用最大果格，会好噪（嘈）”，楼主感到相当无奈，“咁我都要吹头㗎？唔吹头会头痛㗎嘛！！你唔中（钟）意我噪（嘈）醒你咪直接的同我讲啰，又要俾男朋友知”。

女网民投稿全文：

另外，楼主又指伯母经常在家中煲凉茶，“又要我饮，又唔落糖，真系饮唔落”，她遂向对方表明自己“寒底”，饮凉茶会见头晕，之后伯母亦没有再煲给她喝。直至早前，楼主工作繁重，在家中取了些花旗参冲饮提神，结果数日后，伯母提醒花旗参同样偏凉，着她不要喝太多，又提及一大堆中医知识，如脾胃不佳就不宜喝什么等，但楼主却不领情，“我心谂，你惊啲贵嘢我饮咗啫？定之前我唔饮佢啲凉茶，佢记住”。后来楼主跟男朋友投诉，“点知佢仲google埋畀我，话原来真系寒凉。即系两个夹攻我啫！”

楼主表示，相信很多人都面对这个问题，希望发帖询问解决方法，指不想临结婚才分手，“我都唔细30岁啦”，又说“我觉得我男朋友好好，咁我可以点处理？”

帖文瞬间引起热议，不少网民都批评楼主“公主病”，更称她为“港女大王”，认为她不懂自我检讨，“住人哋屋企，夜出街吹头嘈住人哋瞓觉仲大条道理”、“间屋人哋嘅，啲花旗参人哋嘅，基本礼貌问下人都唔识”；又指伯母好意提醒反被骂，“佢妈咪煲嘢畀你饮系出自关心你，好无？会觉得好warm而唔系烦”；更有人提议她跟男友分手，“放生人哋个仔啦”、“伯母值得更好嘅未来新抱”、“放生你男朋友啦”。