常有网民以“冇一首歌识”为荣　DJ Eric：点解可以无知得咁串？

踏入2019年，本地乐坛成绩表已派发，不少乐迷指去年有不少有心人制作高质广东歌，但亦有人藉得奖结果批评乐坛青黄不接，甚至直言“唔识而家啲歌”、“真系未听过”等，以显示香港乐坛不屑一顾。
港台DJ Eric（廖麒锵）昨日于facebook专页发文，慨叹经常听到有人说“我真系冇一首歌识㖞”，更有年轻人对刘德华演唱会的海报说：“好心啲老人家唔好再阻住地球转啦！”Eric疑质这类人拒绝认识，却只懂批评乐坛，“点解你唔识佢，就包容唔到佢嘅存在”，直指“无知唔系错，但拜托唔驶将你嘅无知放到咁大去俾人睇啫”，文章引起网民热烈讨论。

下载“香港01”App ，即睇城中热话：https://hk01.app.link/qIZYuEC5LO

Eric提及曾听过有年轻人站在刘德华演唱会的海报前说：“好心啲老人家唔好再阻住地球转啦！”令他又气愤又无奈，感叹新一代只愿认识感兴趣的事，却对其他事物失去包容，“一位‘老人家’有清福唔享而走出嚟继续同你跑跑跳跳，我佩服佢都嚟唔切。点解你唔识佢，就包容唔到佢嘅存在？点解喺我哋不断追求要有自由、平权嘅年代，我哋对身边事物嘅包容程度会越来越低？”。

Eric又引用男子组合Swing的《大大公司》其中一句歌词“不懂欣赏，不必丑化”，认为作为听众，可认识不同的音乐，亦有权选择个人喜好及发表意见，但同时应尊重身边不同的声音，而非因“不认识”或“拒绝认识”而自豪，“你反映咩声音，通常就系最直接地反映出你系个咩人。我哋唔系百科全书，无知唔系错，但拜托唔驶将你嘅无知放到咁大去俾人睇啫…”

元旦日的商台叱咤乐坛颁奖礼上，二人组合“I Love You Boyz”（艾粒）在颁奖前提及不少网民对乐坛的看法，当谈及不少人经常称“唔识、无听过而家啲歌”时，两人于台上直指“几时开始唔识嘅嘢要话畀人听，仲要咁大声呢？”，获得台下热烈掌声。

港台DJ Eric看过艾粒发言片段后，昨日于facebook个人专页有感而发，指近年亦听过不少类似的批评声音，“我真系无一首歌识㖞”、“呢三个其实系边个呀”、“呢套戏咩嚟㗎？真系未听过…”等，他形容听到这些说话时，已不是一个问题，“而系好有骨咁讲……即最尾唔系‘？’而系‘！’”。

Eric表示，自己以往遇到不认识的事情，长辈都会鼓励他“学多啲，增值多啲、识多啲嘢”，但现时社会文化已改变，网民或听众均以自大的价值观接收讯息，“大家带住‘！’嘅语气，背后嘅意思应该系‘我唔识你唔系我嘅问题，系你唔够红令我认识！呢个系你嘅错！’”。

帖文即引起网民热烈讨论，不少人认同Eric的看法，指身边有朋友常说“香港乐坛已死”，却又无留意本地音乐，“可能佢哋咁做觉得威啲挂，觉得自己与众不同，有质素品味啲”，认为其行为是“长他人志气灭自己威风”。但亦有人认为，网民的批评非因“为闹而闹”，作为创作者亦要懂得接受批评，“不懂接受批评怎么进步，再好的歌也会有人唔中意啦”。

有人则认为，新一代拒绝认识乐坛证明“潮流本身要反省”，指出今时今日乐坛难以吸引年轻一代背后必有原因，但并非全属听众责任，“其实唔系话香港做音乐嘅无付出无辛酸，但听众有自己既喜好同取舍好正常，依家选择多咗平台多咗，无听过好正常，佢哋完全无道德责任必须去肯定你付出的”。