前女同事邀出席兄长婚宴　港男收帖黑人问号　老婆：系咪得罪人？

年尾是结婚旺季，若收到“三唔识七”人士送出的“红色炸弹”，令人头痛又无奈。有女网民在网上求教，指丈夫收到前女同事兄长的喜帖，但“唔识兼且未见过”，突然中奖大惑不解，她反问是否其他亲戚有喜事也可邀请对方，又问丈夫“系咪得罪咗人而唔知”，网民热烈讨论，最终压倒性建议楼主老公“唔去”。

下载“香港01”App ，即睇城中热话：https://hk01.app.link/qIZYuEC5LO

楼主在facebook群组“柴湾人柴湾事”发帖，指丈夫与一名女子多年前曾在一间公司工作，对方“结婚嘅时候都有请饮”，丈夫“都好戥佢开心都有出席”，随住女同事转工，丈夫和她都“好耐冇见”，但听闻前女同事现已荣升为妈妈。

最近这名阔别多时的前女同事，突然透过另一位旧同事楼主丈夫发婚宴请帖，楼主大惑不解，连忙追问丈夫：“点解佢请你去饮嘅？佢唔系结咗婚嘅咩？”丈夫解释“系佢阿哥结婚请我饮啫”，楼主更加谂唔明，再问“吓？你识佢阿哥嘅咩？”丈夫再答“唔识兼且未见过佢阿哥”。

楼主形容“即刻有‘十万个为什么’喺头顶盘旋”，反问“你阿哥出年娶新抱，系咪可以请返佢饮？你系咪得罪咗人而唔知？”丈夫否认曾经得罪过这名前女同事，但也认同“谂极都唔明，佢阿哥结婚关我哋咩嘢事？”楼主更在网上求教“好尴尬，究竟去唔去好？”

网民热烈讨论，不少人都觉得发帖人好离谱，讽刺称“水鱼唔怕揾”，留言建议楼主“唔去”、“唔好理佢”，有网民分享其同样收到黑人问号请帖的经历，指大约两三年前的圣诞节，其读下午班的年幼子女收卡，网民指“未打开仲似为系圣诞卡，之后打开系上午班某同学父母结婚7周年纪念，12月24日摆酒邀请…我问返老公8周年使唔使摆返餐”。

（fb群组“柴湾人柴湾事”）