【大晒咁】普通话大妈称LEGO买贵咗逼回水　老板无奈允拣差额货

网上疯传有操普通话中年妇人，日前被指LEGO集中地的油麻地“现时点”商场与一店舖老板理论，声称所购产品较其他店舖贵50元，要求老板退差额；老板妥协屈服，最终让大妈免费挑选与差额同等的产品。事件引起不少LEGO迷反感，留言买贵只因大妈自己唔格价，有人指曾遇类似情况，但企硬不屈服。

下载“香港01”App ，即睇城中热话：https://hk01.app.link/l7U1Y7t5LO

有网民在社交网站facebook群组“今日一入玩具报价区”发文指，本周一（1日）、国庆假期当日，经过现时点1楼其中一间店舖时，见到一名操普通话的中年妇人走入店内，向老板声称“盒LEGO要退钱，因为喺第二间舖见到平你好多，成50蚊”。

该网民形容大妈与老板态度尚算和平理性，老板无奈下“叫佢喺舖拣50蚊嘢补畀佢”，但如超过差额就要补钱，他语带讽刺形容“觉得喺香港购物真系太幸福了”。

事件引起多名网民批评，有人认为老板做法不智，“老板都低能，使鬼做任何（嘢）补返，好似欠咗佢，使鬼理𠮶大妈，香港自由市场，你买贵系你唔格价，你买得就接受到先买”，更有人留言指“识讲普通话就退到？”、“原来学普通话会有啲好处”，亦有网民担心“做坏个头，今次真系畀佢呢间舖害死成个场（同）其他舖”。

亦有卖家称早前向一名内地女子出售货品，“一星期后，我第二批卖平咗廿几蚊，佢走返转头叫我退返𠮶差价畀佢”，卖家反驳称“靓姐，今日你喺百佳买罐豆豉鲮鱼，第二日人哋买一送一，你系咪会去拎返人地一罐？”但对方反斥他是“奸商”、“以后都唔会帮衬”，卖家嬲爆直接叫内地女“拜拜”。

（fb群组“今日一入玩具报价区”）