男友赌波输身家　要求未婚妻代付结婚礼金　网民：嫁畀赌仔实后悔

沉迷赌博输身家，分分钟连人生大事都告吹。有女网民近日在香港讨论区发文，指男朋友向来有赌钱习惯，本来他们正筹备婚礼，不过男友却因上星期赌波“输晒身家”，说好的梦想婚礼告吹，对方还要求她代付礼金，楼主直言“真系谂起都好失望，但我真系好爱佢”，遂向网民寻求意见，“唔知帮唔帮好？”

下载“香港01”App ，即睇城中热话：https://hk01.app.link/l7U1Y7t5LO

一名女网民前日（26日）在香港讨论区，以“男朋友赌输波叫我帮佢出住礼金先，帮唔帮佢好？”发帖，指男朋友向来有赌钱习惯，最近英超开锣，男友亦有投注，“佢成日系又买唔系又买”。上星期男友听从朋友意见，“话九成中就all in（瞓身）咗”，怎料结果却是对家获胜，一夜间“输晒身家”。

女网民续指，本来两人正筹备婚礼，“宜家咁样输一输，咩钱都无晒，之前谂好晒果啲dream wedding（梦想婚礼）都无埋”，令楼主非常失望，“但我真系好爱佢”。数天前男友问她可否先代付礼金，承诺日后会还钱给她，“佢话唔想令我失望，想婚礼如期进行”。

楼主感到迷惘，于是上网寻求意见，她指男友为人很老实，“但要我借钱畀佢嚟结婚，好似贴埋大床咁结婚”，又担心“有一次就有第二次，下次再赌输波都唔知点算”。

帖文引起网上热议，不少网民都直言“当然say no”，又指绝对嫁不过，“嫁畀赌仔你实后悔”、“咁容易赌身家，到其时结咗婚你打工帮佢还债啊”、“借得一次一定有下次，借钱畀赌仔只会害了佢”；另有人称“灯神嚟，以后买对家”、“九成赢都要输，他命欠缺运气，日后生活必辛苦”。