【没有丑女人】港女呻做靓女好贵　网民：女神系物质堆砌出嚟

有说“女人钱最易赚”，女人常被标签“贪靓”，为改善外形不惜功本。有女网民近日在讨论区列出日常保养打扮支出，大呻做女人要美丽不止要金钱，更要付出许多时间与心机。网民齐表认同，直指“男人成日话女人物质，佢哋成日睇𠮶啲女神就系呢啲物质堆砌出嚟，你以为呢个世界真系咁多天生丽质呀？”

下载“香港01”App ，即睇城中热话：https://hk01.app.link/l7U1Y7t5LO

该名女网民于连登讨论区以“做一个见得下人或靓嘅女仔真系好贵”为题发文，指大众一向认为“一个顺眼嘅女仔，甚至系靓女除咗普通护肤，化下妆，着下靓衫就得”，反问网民“其实系咪真系咁？”

楼主分了8大类别分析自己保养打扮方面的支出，如皮肤、身体、头发、衣著、化妆品、身外物、香味和手。楼主认为，在身体皮肤方面十分重要，如“一白遮三丑”需要防晒，皮肤保持光滑则需要敷面膜facial，手亦要合适的润手霜。

楼主又指出“发型同发质真系非常重要”，整头发焗油电发的费用不在话下，化妆品和衣着更是一项大支出；她又指如计及修甲、植睫毛等等，总开支更为可观。

楼主感叹“女人钱真系易呃”，坦言女人为保持美丽有很多不得已的原因，而且更是有迫切性，“其实女人真系要keep，做咁多嘢除咗自己开心，咪就系（为了）取悦另一半，未拍拖咪为咗比仔沟，拍紧拖或结咗婚咪为咗对方唔好揾第二个。”

帖文引起网民热议，有网民认同楼主所说，指女人都是需要钱去堆砌出来，“佢哋成日睇个啲女神就系呢啲物质堆砌出黎啦，你以为呢个世界真系咁多天生丽质呀？”、“只有傻仔先会以为靓女系天生。有较多沟女经验嘅男人都明白，越系靓越索嘅女落妆前后对比越大。”

但有网民反驳，“所以如果天生皮肤好身材好发质又正，咁就只系需要喺衣着上使多啲钱”；有男网民身同感受，称“男人又何尝唔系咁呢”。惟有网民则认为，虽然“女为悦己者容”，但女人的内涵亦很重要，称人的外表干净顺眼便可，心美人自然美。

（连登讨论区）