自私？北上食自助餐见2男女“拎成个蛋糕食”　网民1原因撑无错

不少人都喜欢吃自助餐或放题，因可以品尝各种美食，但要紧记“食几多，拎几多”，以免浪费！有港男日前北上玩乐，于某酒店吃自助餐时，目睹1对男女将原个蛋糕捧回座位享用，但途经对方座位数次，“唔见佢有郁过（蛋糕）”，而蛋糕份量亦不少，担忧2人最终会浪费食物，故贴出图片公审两人行为自私。

有网民批评相中2人行为贪心，“饿狗抢X”、“自助餐≠抢食餐”。不过另有意见认为对方有付费，而自助餐当然有权选择喜欢食物，反指楼主多事，“虽然系狼死咗啲，但自助餐又无规定唔可以攞（成个蛋糕）”、“食剩就会有职员跟㗎啦，你理得人哋啫”。

港男食自助餐　见2男女“拎成个蛋糕埋位食”

该港男在threads帐号图文并茂发帖，指“㖊晚见到大陆人食自助餐，拎咗成个Cake（蛋糕），OMG”。从相中可见，有2名穿着黑衣的男女正坐在2人座位用餐，男子前方摆放1碟食物，相反女士面前摆放1个大碟，相信正是楼主所指的“成个蛋糕”。

多次途经对方座位　未见进食蛋糕忧浪费

楼主续称，当时目睹女子将“成盘Cake搬走咗”，形容蛋糕份量其实不少，约可切出8大件正常大小蛋糕，而与她同行只有相中男士，加上途经对方座位数次，“唔见佢有郁过（蛋糕）”，担忧对方会浪费食物，亦令其他食客未能享用蛋糕，故质疑“点解唔食完再去夹？”，看不过眼遂于网上公审女子行为自私，惹来网民两极讨论。

网民狠斥自私：自助餐非抢食餐

有网民批评相中食客行为贪心兼自私，“未食过自助餐？”、“饿狗抢X”、“自助餐≠抢食餐”、“希望佢最后无浪费食物啦”、“礼貌问题，由细到大屋企人唔容许我做呢啲嘢”，又笑称“唔同你抢冻盘，你要多谢佢”。有留言就分享更夸张的见闻，“见过有人将blueberry cheesecake上面嘅blueberry，全部扫晒落碟”、“见过有大陆人拎返埋位，拎个盒出嚟装”、“以前做buffet侍应，有客走嚟话朋友生日，想成个攞返埋位切”。

另有声音斥楼主多事：又唔系无畀钱

惟有人觉得女子既然已付费吃自助餐，楼主根本无权干涉，“请问吃得多违法吗？”、“又唔系无畀钱”、“虽然系狼死咗啲，但自助餐又无规定唔可以攞（成个蛋糕）”、“佢食剩你再嘈啦，如果佢去食自助餐就系为咗食蛋糕，咁有咩问题？”、“食剩就会有职员跟㗎啦，你理得人哋啫”、“蛋糕成本咁低，食两食饱咗，蚀嘅系佢”、“好过俾人污污糟糟掘到核核突突”、“如果佢食得晒又无得再出，系酒店的责任，唔系佢责任”。

（threads＠enoemoslaiceps）