旺角捉贼大战！2男女涉7-11偷$XXX货被休班警制服　港男：吓死人

眼前突然上演捉贼大战，“咪话唔惊”！有港男于旺角目击有女子疑于7-11便利店盗窃，男店员追出店外捉贼，女子的男同党尝试帮忙逃脱，双方拉扯之际，1名男便衣警员挺身而出将男同党按在地上，港男大呼“吓死人”、“有一刹那，以为自己喺电影场景入边”。
警方回复香港01查询表示，2月4日晚7时52分收到报案，旺角砵兰街近朗豪坊一间7-11便利店遇窃，警方到场前有休班警协助制服。警方到后场拘捕1名50岁男子及1名45岁女子，两人涉盗窃店内价值共688元货品，当中包括化妆棉、斜揹袋、止痛贴等。

港男目击捉贼：差啲撞埋嚟劲惊

该港男周二（4日）傍晚近8时于社交平台Threads发文忆述，当时他往旺角吃饭，一下车即见到有名7-11便利店男店员捉住1名女子。由于他戴着耳机听音乐，听不清两人在说什么，“拉扯之间差啲撞埋嚟劲惊”。

港男随后得悉，男店员指女子“偷嘢”，女子的男同党见状立即扯着她帮忙逃脱，正当在人群中拉扯之际，1名男便衣警员即时冲出来“揿低”男同党，吩咐店员报警，女子“话畀返钱”，但便衣警说“而家唔系畀唔畀钱嘅问题啦已经！”。港男惊魂未定大呼，“有一刹那，以为自己喺电影场景入边，因为呢件事就发生喺你隔篱”。

网民：7-11有咩值得偷

有网民大赞店员勇敢，“7-11职员真系好尽责同勇敢”，但亦担心其人身安全，“真心……当睇唔到就算，避免自己有意外发生。为咗包糖牺牲条命值得咩？”、“真系唔好追，唔系次次都有人帮你，下次人哋几个围你点算，公司唔鼓励员工捉贼，打工嘅嘢，几时都系自己安全第一” 。

有网民不解，便利店货品价值非昂贵，为何要偷窃，“7-11有咩值得偷，唔过百嘅都要咁”、“有几穷先会喺7仔偷嘢”、“条女讲得畀返钱，即系有钱但唔想畀”。有人解释“其实有啲人偷嘢纯粹系为刺激感或者上咗瘾，价值唔系主因”、“有啲人系心瘾发作，未必系生活有问题而犯案”。

有网民指出，盗窃“断正”已无退路，只能“法庭见”，“偷咗就系偷咗，人证物证，无弯转啦”、“如果个个偷完嘢俾人捉到，然后话畀返钱当冇事，咁仲要偷窃罪呢条法例嚟做乜嘢？”。

警方：涉盗窃价值共688元货品

警方回复香港01查询表示，2月4日晚7时52分收到报案，旺角砵兰街近朗豪坊一间7-11便利店遇窃，警方到场前有休班警协助制服，警方到场拘捕1名50岁男子及1名45岁女子，两人涉盗窃店内价值共688元货品，当中包括化妆棉、斜揹袋、止痛贴等。